Grab က မိတ်ဖက်ယာဉ်မောင်းမိသားစုများအတွင်းရှိ ထူးချွန်သားသမီးများအား ချီးမြှင့်ဂုဏ်ပြုပွဲ ကျင်းပပေးခဲ့
အရှေ့တောင်အာရှ၏ ထိပ်တန်း online-to-offline (O2O) မိုဘိုင်းပလက်ဖောင်းတစ်ခုဖြစ်သည့် Grab သည် ပြီးခဲ့သည့်အထက်တန်းပညာသင်နှစ် ၂၀၁၇-၂၀၁၈ အတွင်း ထူးချွန်စွာ အောင်မြင်ခဲ့သော မိတ်ဖက်ယာဉ်မောင်းမိသားစုများ၏ သားသမီး ၂၇ ယောက်အား ချီးမြှင့်ဂုဏ်ပြုပွဲတစ်ခုကို ယင်းကုမ္ပဏီရုံးခန်း တည်ရှိရာ ရန်ကုန်မြို့၊ Crystal Tower ၊ ၇ လွှာတွင် ကျင်းပခဲ့သည်။ ထိုထူးချွန်ကျောင်းသားများအား ခြောက်ဘာသာဂုဏ်ထူးရှင်အတွက် ဆုချီးမြှင့်ငွေ ကျပ် တစ်သိန်းတိတိ၊ ငါးဘာသာဂုဏ်ထူးရှင်များအတွက် ကျပ် ၈၀၀၀၀ စီ နှင့် သုံးဘာသာနှင့် လေးဘာသာ ဂုဏ်ထူးရှင်များအတွက် ကျပ် ၅၀၀၀၀ စီ ချီးမြှင့်ခဲ့သည်။
