ကျွန်ုပ်တို့၏ သုံးစွဲသူများနှင့် ၎င်းတို့၏ အွန်လိုင်းအချက်အလက်များကို ကာကွယ်ခြင်း
Grab သည် ထုတ်ကုန်အသစ် (သို့) လုပ်ဆောင်ချက်အသစ်တိုင်းတွင် ဒေတာအချက်အလက်များနှင့် ဆိုက်ဘာအကာအကွယ်ကို ထည့်သွင်းထားသည်။
၂၀၂၃ တွင် ကျွန်ုပ်တို့ လုပ်ဆောင်ချက်များ၏ သက်ရောက်မှု
PCI DSS လက်မှတ် ပြန်လည်ထုတ်ပေးခြင်းများ
Grab အဖွဲ့အစည်းများရှိ ငွေပေးချေကတ်ဆိုင်ရာ ဒေတာ လုံခြုံမှုအဆင့်အတန်း ( PCI DSS) လက်မှတ်ပြန်လည်ထုတ်ပေးခြင်းများသည် ကျွန်ုပ်တို့ အက်ပ်အတွင်း ခရက်ဒစ်နှင့် ငွေပေးချေမှုများ လုပ်ဆောင်ရာတွင် လုံခြုံစိတ်ချမှုကို မြှင့်တင်ပေးသည်။
Zero (0) အရေးကြီးသည့် ဒေတာလုံခြုံရေးဆိုင်ရာ တိုင်ကြားချက်များ
သုံးစွဲသူများ၏ ကိုယ်ရေးအချက်အလက် ချိုးဖောက်မှုနှင့်ပတ်သက်ပြီး ပြင်ပအဖွဲ့အစည်း (သို့ ) အာဏာပိုင်များမှ သုံးသပ်အတည်ပြုထားသော သက်ရောက်မှု ကြီးမားသည့် တိုင်ကြားချက်များ မရှိပါ။
ကျွန်ုပ်တို့၏ ဒေတာ လုံခြုံရေးနှင့် ဆိုက်ဘာလုံခြုံရေး ဖွဲ့စည်းပုံ၏ မဏ္ဍိုင်များ
အကြောင်းကြားစာနှင့် သဘောတူညီချက် ရယူခြင်း။
ကျွန်ုပ်တို့၏ စားသုံးသူများနှင့် မိတ်ဖက်များထံမှ ကိုယ်ရေးကိုယ်တာအချက်အလက်များကို စုဆောင်းသည့်အခါ ကျွန်ုပ်တို့သည် ၎င်းတို့၏အချက်အလက်များကို မည်သို့အသုံးပြုမည်ကို အသိပေးပြီး ၎င်းတို့၏ သဘောတူညီချက်ကို ရယူပါသည်။
ကိုယ်ရေးကိုယ်တာ အချက်အလက်များကို ကာကွယ်ခြင်းနှင့် လုံခြုံစွာ ထိန်းသိမ်းထားခြင်း
ကျွန်ုပ်တို့ ထိန်းသိမ်းထားသော မည်သည့်ဒေတာကိုမဆို ကာကွယ်ရန် တင်းကျပ်သော လုံခြုံရေးအစီအမံများ ချမှတ်ထားပါသည်။ ၎င်းတွင် ကိုယ်ရေးအချက်အလက်များအတွက် ရုပ်ပိုင်းဆိုင်ရာ၊ စီမံခန့်ခွဲရေးနှင့် နည်းပညာဆိုင်ရာ ဝင်ရောက်ထိန်းချုပ်မှုများကို အကောင်အထည်ဖော်ခြင်းတို့ ပါဝင်သည်။
ကိုယ်ရေးအချက်အလက်များကို လိုအပ်သည်ထက် ပိုကြာရှည်စွာ ထိန်းသိမ်းမှု မပြုလုပ်ခြင်း
ကျွန်ုပ်တို့သည် မည်သည့်ကိုယ်ရေးအချက်အလက်များကိုမဆို လိုအပ်သည်ထက် ပိုကြာအောင် သိမ်းဆည်းမှုမပြုလုပ်ပါ။ ကျွန်ုပ်တို့သည် ဒေတာကို သိမ်းဆည်းရန် ဥပဒေရေးရာ သို့မဟုတ် စီးပွားရေးလိုအပ်ချက် မရှိတော့ပါက အမည်မသိ အခြေအနေဖြင့်လည်းကောင်း၊ အခြားသင့်လျော်သော နည်းလမ်းများဖြင့် ဖျက်ပစ်ပါသည်။
ပွင့်လင်းမြင်သာခြင်း
ကျွန်ုပ်တို့သည် သုံးစွဲသူများအား ကိုယ်ရေးအချက်အလက်များကို ကျွန်ုပ်တို့ စုဆောင်းပုံ၊ အသုံးပြုပုံ၊ လုပ်ဆောင်ပုံနှင့် ထုတ်ဖော်ခြင်းဆိုင်ရာ ရှင်းလင်းသော အချက်အလက်များကို ပေးအပ်ရန် ရည်ရွယ်ပါသည်။ ကျွန်ုပ်တို့၏ကိုယ်ရေးအချက်အလက်ဆိုင်ရာ သတိပေးချက်ကို ကျွန်ုပ်တို့၏ဝက်ဘ်ဆိုက်များတွင် အများသူငှာကြည့်ရှုနိုင်ရန် ပြသထားသကဲ့သို့ ကျွန်ုပ်တို့၏ကိုယ်ရေးအချက် ထိန်းသိမ်းမှု ရုံးသို့ ဆက်သွယ်နိုင်သည့် အချက်အလက်များကိုလည်း ဖော်ပြထားပါသည်။
