အိမ်နီးချင်းထိုင်းနိုင်ငံသည် မြန်မာခရီးသွားများ အသွားအများဆုံးနေရာဖြစ်သည် – Grab ဒေတာအရ

မြန်မာခရီးသွားများသည် ထိုင်းနိုင်ငံကို နှစ်သက်ကြသည်။ ယခင်နှစ် ဒေတာအရ Grab အသုံးပြုသူ မြန်မာများ၏ ပြည်ပခရီးစဉ်များအတွင်း သုံးပုံတစ်ပုံမှာ ထိုင်းနိုင်ငံအတွင်း စီးနင်းကြခြင်းဖြစ်သည်။

(နှစ်နိုင်ငံ နယ်ချင်းစပ်နေသည်မဟုတ်ပါလား)

အရှေ့တောင်အာရှသားများသည် ယခင်ကထက်ပိုမို ခရီးသွားလာသည့်အလေ့အထခေတ်စားလာပြီး အများစုမှာ ဒေသတွင်း လှည့်လည်သွားလာကြသည်ကို မြင်တွေ့ရသည်။  အာဆီယံ အတွင်းဝန်များရုံး၏ အချက်အလက်များအရ ၂၀၁၅ ခုနှစ်အတွင်း အာဆီယံဒေသအတွင်း ခရီးသွားလာသူများသည် ဒေသတွင်း ယေဘုယျ ကမ္ဘာလှည့်ခရီးသွားအရေအတွက်၏ ၄၂ ရာခိုင်နှုန်းရှိသည်။ Grab ဈေးကွက်လေ့လာရေး အချက်အလက်အရ ယနေ့ အရှေ့တောင်အာရှသားများ ဒေသအတွင်း သွားလာမှုမှာ ခရီးပေါင်း ၃၇ သန်းကျော်သွားပြီဖြစ်သည်။

ထိုစုစုပေါင်းခရီးစဉ်တွင် အလုပ်ကိစ္စနှင့်တစ်မျိုး၊ အပန်းဖြေအနေနှင့်တစ်ဖုံ သင်တို့ သွားလာလည်ပတ်ခဲ့ကြသည့် ခရီးစဉ်များလည်း ပါဝင်နေသည်။ ထို့ကြောင့် အရှေ့တောင်အာရှတွင် အလုပ်ကိစ္စဖြင့် မကြာခဏခရီးသွားလာရသူများ၊ ရံဖန်ရံခါ ခရီးသွားလေ့ရှိသူများနှင့် ခရီးလှည့်လည်သွားလာခြင်းကို ပျော်မွေ့သူများအတွက် ရည်ရွယ်ပြီး Grab သည် Grab ပလက်တီနမ်အဆင့် ၊ ရွှေအဆင့်နှင့် ငွေအဆင့် ခရီးသည်များအတွက်  အထူးခရီးသွားခံစားခွင့်များပါဝင်သည့် အစီအစဉ်အသစ်ပြုလုပ်ထားသည်။ ဤခံစားခွင့်အတွက် ရန်ကုန်အပြည်ပြည်ဆိုင်ရာလေဆိပ်အပါအဝင် အရှေ့တောင်အာရှရှိ အဓိကလေဆိပ်များရှိ စီးပွားဖက် ၁၅၀ နှင့် လက်မှတ်ရေးထိုးထားသည်။ ထိုခံစားခွင့်များတွင် ဒေသတွင်း နားနေခန်းဆိုင် ၇၀ နီးပါးတွင် အများဆုံး ၅၅% လျှော့ဈေးဖြင့် အသုံးပြုနိုင်ခြင်းနှင့် စီးပွားဖက် ၈၀ ကျော်တို့၏ အစားအသောက်နှင့်အဖျော်ယမကာများအပေါ် အများဆုံး ၂၀% အထိ ဈေးလျှော့ပေးခြင်းတို့ဖြစ်သည်။

ရန်ကုန်အပြည်ပြည်ဆိုင်ရာလေဆိပ်တွင် Grab အသုံးပြုသူများသည် မင်္ဂလာဒုံ နားနေခန်းတွင် အနားယူနိုင်ပြီး Bon Voyage Airport Bar နှင့် Café Corner Restaurant တွင်လည်း လျှော့ဈေးများ ရယူခံစားနိုင်သည်။

ဒေသအတွင်း ခရီးသည်များအား ဝန်ဆောင်မှုပေးအပ်ခဲ့သည့် ခြောက်နှစ်တာကာလအတွင်း သင်တို့၏ အကြိုက် သဘာဝတို့အပေါ် စူးစမ်းလေ့လာရင်း ရလာသည့် အကြောင်းအချက်များပေါ် အခြေခံ၍ ဤခံစားခွင့်အစီအစဉ်ကို လုပ်ဆောင်ပေးခဲ့ခြင်းဖြစ်သည်။  ထိုကာလအတွင်း အခြား လေ့လာမိသော အချက်များမှာ အဘယ်အရာများ ဖြစ်သနည်း။ ဆက်ဖတ်ကြည့်ပါ။

မြန်မာနိုင်ငံသားများ ခရီးသွားသည့်အခါ
မြန်မာနိုင်ငံသား ခရီးသည်များ၏  ပြည်ပတွင်း စီးနင်းမှုခရီးစဉ်အားလုံး၏ ၃၄%သည် ထိုင်းနိုင်ငံတွင်ဖြစ်ပြီး ၂၆%သည် စင်္ကာပူနိုင်ငံတွင်ဖြစ်သည်။

အခြားသောခရီးသည်များကဲ့သို့ပင် ပြည်ပတွင်စီးနင်းသည့် မြန်မာနိုင်ငံသား Grab အသုံးပြုသူများအား အများဆုံး ကြိုရသည့် နေရာသည် နိုင်ငံများတစ်လျှောက်ရှိ လေဆိပ်များတွင်ဖြစ်သည်။ ဈေးဝယ်သည့်နေရာများသည်လည်း Grab စီးနင်းမှုများသည့် စာရင်းထဲတွင် ပါဝင်သည်။ ထိုင်းနိုင်ငံတွင်ဆိုလျှင် ၎င်းတို့၏ အမှတ်တရလက်ဆောင်ပစ္စည်းများနှင့် ဒေသထွက်ကုန်များဖြင့် ကမ္ဘာလှည့်ခရီးသည်များကို ဆွဲဆောင်နိုင်သည့် ဘန်ကောက်ရှိ ကုန်တိုက်ကြီးတစ်ခုဖြစ်သည့် Big C Supercenter Ratchadamri သည် မြန်မာခရီးသွားများအား အများဆုံးကြိုရသည့် နေရာများထဲမှ တစ်ခုဖြစ်သည်။ စင်္ကာပူတွင်ဆိုလျှင် Grab အသုံးပြုသူ မြန်မာနိုင်ငံသားများသည် Vivocity တွင် အများဆုံးဈေးဝယ်သည်ကို တွေ့ရသည်။

Grab အသုံးပြုသူမြန်မာများ ခရီးသွားသည့်အခါ မည်သည့်နေရာများသို့ လည်ပတ်ကြသနည်း။ မြန်မာနိုင်ငံတွင် ကမ္ဘာလှည့်ခရီးသွားများအား မည်သည့်နေရာတွင် အများဆုံးကြိုရသနည်း။ ကျွနု်ပ်တို့၏မြေပုံ ပေါ်တွင် ဤအကြောင်းအရာများကို ဝင်ရောက်လေ့လာနိုင်သည်။

ခရီးသွားများ မြန်မာနိုင်ငံထဲသို့ လာရောက်သည့်အခါ
၂၀၁၇ တွင် မြန်မာနိုင်ငံသို့ လာရောက်သူ ကမ္ဘာလှည့်ခရီးသွားပေါင်း ၃.၄ သန်းကျော် ရှိခဲ့သည်။ ထိုအထဲတွင် နိုင်ငံတွင်း လာရောက်သူ ခရီးသွားများမှ  Grab ခေါ်ယူအသုံးပြုမှုအားလုံး၏ သုံးပုံတစ်ပုံမှာ စင်္ကာပူနိုင်ငံမှ အသုံးပြုသူများဖြစ်ကြပြီး နောက်သုံးပုံတစ်ပုံမှာ ထိုင်းနိုင်ငံမှ အသုံးပြုသူများဖြစ်ကြသည်။

မြန်မာနိုင်ငံသို့ လာရောက်လည်ပတ်သူနိုင်ငံခြားသားများအတွက် Grab အများဆုံးကြိုရသည့်နေရာသည် ရန်ကုန်မြို့ရှိ အဓိကလေဆိပ်ဖြစ်သည်။ နောက်ထပ် ဒုတိယသွားလာမှုအများဆုံးမှာ ဂျန်းရှင်းစီးတီးနှင့် မြန်မာပလာဇာတို့ဖြစ်ပြီး နှစ်ခုစလုံးမှာ နိုင်ငံတကာဈေးဝယ်မှုအတွေ့အကြုံ  ရရှိနိုင်သည့်နေရာများ ဖြစ်သည်။

ဒေသတစ်လွှားတွင် ခရီးသွားလာရ လွယ်ကူစေရန် ပြုလုပ်ထားခြင်း
အရှေ့တောင်အာရှသည် အမှန်တကယ်ပင် မတူညီသောရိုးရာယဉ်ကျေးမှုများ  ရောယှက်နေသည့် ဒေသတစ်ခုဖြစ်သည်။ ၎င်းသည် အရောင်အသွေးစုံလင်ပြီး မတူကွဲပြားမှုများဖြင့် နှစ်လိုဖွယ်ကောင်းသော်လည်း မတူညီသော ဘာသာစကား၊ ငွေကြေးများနှင့် အခြေခံအဆောက်အအုံများအကြား ခရီးသွားလာရသည်မှာ မလွယ်ကူလှပါ။  နိုင်ငံရပ်ခြားတစ်ခုခုသို့ ပထမဆုံးအကြိမ် သွားရောက်သည့်အချိန်အခါမျိုးတွင် ၎င်းသည် ပိုမိုသိသာသည်။

ထိုသို့သော အနေအထားမျိုးတွင် Grab က အကူအညီဖြစ်သည်ဟု Grab အသုံးပြုသူ မြန်မာများက ပြောသည်။ ခရီးသွား ဘလော့ဂါ တစ်ယောက်ဖြစ်သည့် မမေဇွန်ဝင်းက “အရှေ့တောင်အာရှတစ်ခွင်လုံးမှာ လေဆိပ်ကနေ ကိုယ်တည်းမယ့်နေရာကို သွားတာပဲဖြစ်ဖြစ်  ဒါမှမဟုတ် ကလပ်သွားတာ၊ ကမ်းခြေသွားတာတွေအတွက်ဆို Grab နဲ့ပဲ သွားဖြစ်တယ်” ဟု ဆိုသည်။ “ဒါက ခရီးတို ခရီးရှည် နှစ်မျိုးစလုံးအတွက် လွယ်ကူတယ်၊ အဆင်ပြေတယ်လေ” ဟု မမေဇွန်ဝင်းက ဆိုသည်။

App သည် ရောက်ရှိသည့်ဒေသအလျှောက် မှန်ကန်သောမြေပုံများနှင့် ဒေသခံ ငွေကြေးနှုန်းထားများဖြင့် အားလုံးကို ဒေသခံဘာသာစကားဖြင့် အလိုအလျောက်ပြောင်းလဲပေးနိုင်သည်။ ၎င်းသည် သင့်အား ထိုမြို့တွင် မည်သည့် ဝန်ဆောင်မှုများရရှိနိုင်ကြောင်းကိုလည်း ဖော်ပြပေးသည်။ ဥပမာအားဖြင့် သင်သည် ကမ္ဘောဒီယားနိုင်ငံတွင် GrabRemorque၊ ဂျာကာတာတွင် GrabBike၊ ထိုင်းနိုင်ငံတွင် Grab Roddaeng၊ သို့မဟုတ် မြန်မာနိုင်ငံတွင် GrabThoneBane တို့ိကို အသုံးပြုနိုင်သည်။

ယခုအခါ ကမ္ဘောဒီးယား၊ အင်ဒိုနီးရှား၊ မလေးရှား၊ မြန်မာ၊ ဖိလစ်ပိုင်၊ စင်္ကာပူ၊ ထိုင်း နှင့် ဗီယက်နမ်နိုင်ငံတို့ရှိ မြို့ပေါင်း ၃၃၆ မြို့တွင် Grab ကို အသုံးပြုနိုင်ပြီဖြစ်သည်။

မြန်မာခရီးသွားများသည် နိုင်ငံရပ်ခြားသို့ ရောက်ရှိသည့်အခါလည်း Grab ကို အသုံးပြုရသည်ကို နှစ်ခြိုက်မှုရှိကြသည်။ ငှားရမ်းသည့်အခါ အဆင်ပြေလွယ်ကူပြီး ဝန်ဆောင်မှုအရည်အသွေးကို ယုံကြည်စိတ်ချရသည်ဟု ပြောကြသည်။

“ကျွန်တော် ခရီးသွားတဲ့အခါတိုင်း Grab ပဲ သုံးတယ်၊ ဟိုတယ်ကနေ ကျွန်တော့်ရုံးကို သွားတဲ့အခါဖြစ်ဖြစ်၊ ရှော့ပင်းမောလ် ဒါမှမဟုတ် ရုပ်ရှင်ရုံသွားတဲ့အခါဖြစ်ဖြစ် Grab ပဲ သုံးဖြစ်တယ်” ဟု PR နှင့် Citizenship Manager တစ်ဦးဖြစ်သည့် ကိုစိုးသူရစိုးက ပြောသည်။

“ကျွန်တော်သွားချင်တဲ့နေရာကို အက်ပ်လီကေးရှင်းထဲ ရိုက်ထည့်လိုက်တာနဲ့ ယာဉ်စီးခကို မြင်ရတယ်။ ယာဉ်မောင်းနဲ့လည်း သွားမယ့် နေရာတွေ ဈေးတွေ ပြောစရာမလိုတော့ဘူး။ ပြီးတော့ ကျွန်တော် ဘယ်သွားသွား၊ Grab နဲ့ဆို အမြဲအဆင်ပြေတယ်။”

ထို့ပြင် နိုင်ငံနှင့် ဝေးကွာနေရာမှ ခေတ္တပြန်လာသူ မြန်မာနိုင်ငံသားများအတွက်လည်း Grab က သွားလာရေးလွယ်ကူအဆင်ပြေစေရန် အထောက်အကူဖြစ်စေသည်။ အမေရိကန်နိုင်ငံအခြေစိုက် ကုမ္ပဏီတစ်ခုတွင် ထောက်ပံ့ကြေးနှင့် ကန်ထရိုက်ဆိုင်ရာ လက်ထောက်တစ်ဦးအဖြစ် သွားရောက်လုပ်ကိုင်နေသူ ဟန်ဟွဲသည် မြန်မာနိုင်ငံနှင့်ဝေးကွာနေသည်မှာ နှစ်ပေါင်းကြာရှည်ရှိနေရာက မြန်မာနိုင်ငံတွင်းသို့ အလည်အပတ်ပြန်ရောက်လာစဉ် သူမ၏ သူငယ်ချင်းများက Grab အသုံးပြုရန် အကြံပြုခဲ့ကြသည်။

“ဒီမြို့မှာ နေစဉ်တစ်လျှောက် Grab အသုံးပြုရတာ တကယ်ပဲ အဆင်ပြေပါတယ်” ဟု သူမက ပြောသည်။ “ယာဉ်စီးခအတွက် ဈေးညှိစရာ မလိုတော့ဘူး။ ဈေးတွေလည်း ဘယ်လောက်ရှိမှန်း မသိတော့ ဒါက အဆင်ပြေတယ်၊ ပြီးတော့ စီးရတာလည်း သက်သောင့်သက်သာ ရှိပါတယ်။”