အမျိုးသမီး (နှင့် အမျိုးသား) များအတွက် ပိုမို ဘေးကင်းလုံခြုံသော နေ့စဉ်ဘဝကို ပါဝင်ဆင်နွှဲခြင်း

Hooi Ling Tan

အားလုံးပဲ ပျော်ရွှင်စရာ နိုင်ငံတကာအမျိုးသမီးများနေ့ဖြစ်ပါစေ။ အရှေ့တောင်အာရှက မတူကွဲပြားတဲ့ လူမျိုးစုံပါဝင်တဲ့ လူမှုအသိုင်းအဝန်းတည်ဆောက်တဲ့နေရာမှာ ပါဝင်ခွင့်ရတဲ့အတွက် အထူးကျေးဇူးတင်ကြောင်းပြောချင်ပါတယ်။

လွန်ခဲ့တဲ့ ၇ နှစ်၊ အန်သိုနီ နဲ့ ကျွန်မ Grab ကို အတူတူ စတည်ထောင်ကြတုန်းက လူတွေရဲ့ နေ့စဉ်ဘဝတွေကို ပိုကောင်းမွန်အောင် ဘယ်လိုကူညီနိုင်မလဲဆိုတဲ့ နည်းလမ်းကို ကျွန်မတို့ ရှာဖွေခဲ့ကြတယ်။  နယ်မြေဒေသ၊ လူမျိုး၊ ယုံကြည်မှုတွေ၊ အသက်အရွယ်တွေ၊ လိင်စိတ်တိမ်းညွှတ်မှုတွေ၊ မသန်စွမ်းမှု နဲ့ ဘယ်လိုအရာတွေပေါ်မှ မမူတည်ဘဲ လူအားလုံးကို တတ်နိုင်သမျှ ပိုအဆင်ပြေအောင် ကူညီနိုင်ဖို့ စဉ်းစားရှာဖွေခဲ့ကြတယ်။ အရှေ့တောင်အာရှနိုင်ငံသားတွေဟာ ဒီဂျစ်တယ်စီးပွားရေးမှာ ပါဝင်ဖို့ တူညီတဲ့အခွင့်အရေးရထိုက်တယ်လို့ ယုံကြည်တဲ့အတွက် Grab ရဲ့ app တည်ဆောက်ပြီး ဒေသတစ်ခွင်မှာ ဝန်ဆောင်မှုတွေကို ပေးခဲ့တာဖြစ်တယ်။

ကျွန်မတို့ဟာ အရှေ့တောင်အာရှက အမျိုးသမီး၊ အမျိုးသားနဲ့ ကလေးတွေကို အတိုင်းအတာတစ်ခုအထိ ခုနစ်နှစ်လုံးလုံး ဆက်လက် ဝန်ဆောင်ပေးနိုင်ပြီး သန်းနဲ့ချီတဲ့ဘဝတွေအတွက် လုံခြုံတဲ့ သယ်ယူပို့ဆောင်ရေးမျိုးရရှိစေခဲ့ပြီး ပိုကောင်းတဲ့ဝင်ငွေအခွင့်အလမ်းတွေ နေ့စဉ်နေ့တိုင်းရရှိအောင် လုပ်ဆောင်ပေးနိုင်တဲ့အတွက် အလွန်ကံကောင်းတယ်လို့ ခံစားရပါတယ်။ ပိမျှတပြီး အားလုံးအတွက် အကျုံးဝင်တဲ့ လူ့အသိုင်းအဝန်းအတွက် တူညီတဲ့အခွင့်အလမ်းတွေပြုလုပ်တဲ့နေရာမှာ ကျွန်မတို့ဟာ အလုပ်နဲ့ သက်သေပြနိုင်ခဲ့ပါတယ်။

ဒီနေ့  နိုင်ငံတကာအမျိုးသမီးများနေ့ရဲ့ အဓိကဆောင်ပုဒ်ဖြစ်တဲ့ #BalanceforBetter ဟာ ကျွန်မတို့အတွက် တကယ်အဓိပ္ပါယ် ရှိပါတယ်။ မျက်မှောက်မှာ ဒေသတစ်ခွင်က အလွန်ပါရမီထူးတဲ့ အမျိုးသမီးတွေနဲ့ လက်တွဲလုပ်ကိုင်ရတာကိုလည်း အရမ်းဂုဏ်ယူမိပါတယ်။ ကျွန်မတို့ရဲ့ မိတ်ဖက်ယာဉ်မောင်းတွေ၊  Grab-Kudo အေးဂျင့်တွေ၊ GrabFood ကုန်သည်မိတ်ဖက်တွေ ထူးချွန်တဲ့ အမျိုးသမီးလုပ်ဖော်ကိုင်ဖက်တွေနဲ့အတူ လုပ်ကိုင်ဆောင်ရွက်ရတာကို နေ့စဉ်နေ့တိုင်း ဂုဏ်ယူဝမ်းမြောက်မိပါတယ် – သူတို့အားလုံးဟာ ကြောက်ရွံ့ခြင်းတွေ မျက်နှာသာပေးခြင်းတွေမရှိဘဲ သူ့တို့ဘဝရဲ့ ကိုယ်ပိုင်ပန်းတိုင်တွေဆီ ရောက်အောင်  ကိုးစားလုပ်ဆောင်နေကြတာဖြစ်ပါတယ်။ ( သူတို့တွေထဲက တချို့ရဲ့ အကြောင်းအရာတွေကို  Faces of Southeast Asia! မှာ ဝင်ရောက်ဖတ်ရှုနိုင်ပါတယ်။)

ကျွန်မတို့ရဲ့ အမြဲတမ်းရပ်တည်ချက်ဖြစ်တဲ့ ကတိကဝတ်ကို ထပ်လောင်းပြီး ပေးအပ်ချင်ပါတယ်။ အရှေ့တောင်အာရှဒေသတွင်း လုပ်ငန်းခွင်အင်အားစုထဲမှာ အမျိုးမျိုးအဖုံဖုံသော ကွဲပြားမှုတွေ ပေါင်းစည်းပါဝင်တဲ့ လူမှုအသိုင်းအဝန်းကြီးတစ်ခုဖြစ်လာဖို့အတွက် ကျွန်မတို့ လုပ်ဆောင်နေတဲ့အရာတွေ ရှိပါတယ်။ အဲဒါတွေကတော့ ..

(၁) အမျိုးသမီးများအတွက် စီးပွားရေးအခွင့်အလမ်းတွေ ပိုမိုဖန်တီးပေးခြင်း

(၂) လူတိုင်းအတွက် နေ့စဉ်လုံခြုံဘေးကင်းစွာနေထိုင်နိုင်ရန် ကြိုတင်ကာကွယ်နိုင်တဲ့ ဖြစ်ရပ်တွေ ပပျောက်အောင် ဆောင်ရွက်ခြင်း

(၃) ကမ္ဘာတစ်ဝှမ်းရှိ စီးပွားဖက်များအား ပြောင်းလဲမှုအတိုင်းအတာတစ်ခုအထ ပြုလုပ်ရန် အားပေးခြင်း

အားလုံးအတွက် ဝင်ငွေအခွင့်အလမ်းများ ဖွင့်ပေးခြင်း

အာဆီယံဟာ ၂၀၃၀၁ ခုနှစ်မှာ ကမ္ဘာ့ စတုတ္ထမြောက်အကြီးဆုံးစီးပွားရေးဈေးကွက်ဖြစ်လာဖို့ တွက်ချက်မှန်းဆထားကြပါတယ်။ အဲဒီအချိန်ကာလအတွင်း ဒီအလုပ်သမားအင်အားစု၂ထဲ ဝင်ရောက်လာနိုင်တဲ့ အာရှတွင်း အမျိုးသမီးအရေအတွက်ဟာ  အမျိုးသားအရေအတွက်ထက် ပျမ်းမျှ ၇၀ ရာခိုင်နှုန်းအောက် လျော့နည်းနိုင်တယ်လို့ အာရှဖွံဖြိုးရေးဘဏ် (ADB) က ခန့်မှန်းထားကြပါတယ်။တည်ငြိမ်တဲ့စီပွားရေးတိုးတက်မှု၊ တိုးတက်လာတဲ့ ပညာရေးအခွင့်အလမ်းတွေနဲ့ အလုပ်လုပ်နိုင်တဲ့အသက်အရွယ်အပိုင်းအခြားမှာရှိတဲ့ အမျိုးသမီးတွေရဲ့ အလုပ်ခွင်ဝင်လိုတဲ့ဆန္ဒတွေဟာ တိုးတက်ကောင်းမွန်နေပေမယ့် ကျား မ ကွာဟချက်တွေကတော့ ရှိနေဆဲဖြစ်ပါတယ်။

တိုးတက်နေတဲ့ဈေးကွက်ထဲမှာ အမျိုးသား အမျိုးသမီးကွာဟချက်တွေ ပပျောက်နိုင်ဖို့ ရည်ရွယ်ပြီး ကျွန်မတို့ဟာ  International Finance Corporation အပြည်ပြည်ဆိုင်ရာငွေကြေးအဖွဲ့အစည်း (IFC) ရဲ့  Digital2Equal မှာ ချိတ်ဆက်ပါဝင်ခဲ့ပါတယ်။ ဒီကမ္ဘာတဝှမ်းအတိုင်းအတာနဲ့ဆောင်ရွက်မှုအောက်မှာ Grab ဟာ တခြားနည်းပညာ ကုမ္ပ္မဏီတွေမှာ ပါဝင်ပြီး ဒစ်ဂျစ်တယ်လမ်းကြောင်းပေါ်မှာ အမျိုးသမီးတွေ ဝင်ငွေရနိုင်ဖို့နဲ့ လုပ်ငန်းရှင်တွေဖြစ်လာနိုင်ဖို့ အခွင့်အလမ်းတွေ တိုးချဲ့သွားမှာဖြစ်ပါတယ်။

ရေရှည်တည်တဲ့တဲ့ ပြောင်းလဲမှုတွေပြုလုပ်နိုင်ဖို့ ကျွန်မတို့ဟာ ပိုပြီးအရည်အသွေးပြည့်စုံတဲ့ လုပ်သားအင်အားထုကို ဖန်တီးဖို့လိုတယ်ဆိုတာသိပါတယ်။ စီးပွားရေးဖွ့ဖြိုးဖို့ ဒီအမျိုးသမီးတွေကို အကောင်းဆုံးအခြေအနေဖြစ်အောင် ပံ့ပိုးပေးတဲ့နေရာမှာ အကောင်းဆုံးက လုံခြုံပြီး ဘေးအန္တာရာယ်ကင်းတဲ့ ပတ်ဝန်းကျင်တစ်ခု ဖန်တီးပေးဖို့ပဲဖြစ်ပါတယ်။

နေ့စဉ်နေ့တိုင်း ပိုမို ဘေးကင်းလုံခြုံစေဖို့ စံချိန်သတ်မှတ်ခြင်း

အမျိုးသမီးတွေအနေနဲ့  ဒီနေ့ခေတ်ရဲ့ဒစ်ဂျစ်တယ်ဈေးကွက်မှာ အခွင့်အလမ်းတွေ အပြည့်အဝ ရယူသုံးစွဲနိုင်ဖို့  အခက်အခဲဖြစ်နေစေတဲ့ အဓိက အဟန့်အတားဟာ သူတို့ရဲ့ တစ်ကိုယ်ရေဘေးကင်းလုံခြုံမှုအတွက် စိုးရွံ့စိတ်ရှိနေတာပဲဖြစ်တယ်ဆိုတာကို ကျွန်မတို့ အစောပိုင်းကတည်းက သတိပြုမိပါတယ်။ ပြီးခဲ့တဲ့မတ်လက IFC ဟာ ရီပို့တ်တစ်စောင် ထုတ်ပြန်ခဲ့ပါတယ်။ ဒါကတော့ နည်းပညာသုံး အငှားယာဉ်ဝန်ဆောင်မှုတွေပေါ်ထွက်လာတာဟာ အမျိုးသမီးတွေကို သယ်ယူပို့ဆောင်ရေးလုပ်ငန်းနယ်ပယ်ထဲ ဝင်ရောက်လာနိုင်ဖို့ ဘယ်လိုအထောက်အကူဖြစ်စေတယ်ဆိုတာကို ညွှန်ပြထားတာပါ။ အမျိုးသမီးတွေကို စစ်တမ်းကောက်ယူတဲ့အခါ လေးပုံတစ်ပုံက နည်းပညာသုံး အငှားယာဉ်ဝန်ဆောင်မှုတွေဟာ သူတို့ရဲ့အမှီခိုကင်းတဲ့စိတ်ခံစားချက်ကို တိုးတက်စေတယ်လို့ပြောပါတယ်။ အမျိုးသား ၁၈ ရာခိုင်နှုန်းကလည်း အလားတူဆိုပါတယ်။ ဒါဟာ အစဉ်အလာအရ အမျိုးသားတွေ ကြီးစိုးလွှမ်းမိုးတဲ့ နေရာမှာ ရွေ့လျားသွားလာနိုင်တဲ့ လူမှုစီးပွားရေးကို တိုးတက်စေတာပဲဖြစ်ပါတယ်။

ကျွန်မတို့အတွက်တော့ ဘေးကင်းလုံခြုံမှုဟာ  မတူကွဲပြားတဲ့ လူမျိုးစုံပါဝင်တဲ့၊ လူတိုင်း အကျုံးဝင်တဲ့ ကမ္ဘာကြီးတစ်ခုဖန်တီးနိုင်ဖို့အတွက် အုတ်မြစ်ကောင်းတစ်ခုကို ဖန်တီးပေးပါတယ်။ ကွာလာလမ်ပူမှာ အတိုင်ပင်ခံတစ်ယောက်အဖြစ် ကျွန်မ အလုပ်လုပ်ခဲ့တဲ့အချိန်တွေကို အခုထိ အမှတ်ရနေပါသေးတယ်။

ကျွန်မရုံးမှာ အချိန်နောက်ကျတဲ့အထိ အလုပ်လုပ်ရတဲ့အခါ အမေကတောက်လျောက်စိတ်ပူနေရတယ်။ ညအချိန်မှာ တစ်ယောက်တည်း အငှားကားစီးရတဲ့အတွက် မိမိလုံခြုံရေးက အန္တရာယ်ကျရောက်နိုင်တဲ့ အနေအထားမှာရှိနေပါတယ်။ ဒါဟာ GPS တို့ စမတ်ဖုန်းနည်းပညာတို့ ကျယ်ကျယ်ပြန့်ပြန့်အသုံးမပြုနိုင်ခင်ကပေါ့။ အဲဒီတော့ ကျွန်မက ကားစီးနေတုန်း အမေ့ကို စာရိုက်လိုက် ဖုန်းခေါ်လိုက်လုပ်ပြီး ရောက်နေတဲ့နေရာကို အသိပေးပြီး လုံခြုံရေးအတွက် ကြိုတင်ကာကွယ်ထားရပါတယ်။

နည်းပညာတွေ အဆင့်မြင့်လာတာနဲ့ ကိုယ်ရောက်နေတဲ့နေရာကို ခရီးစဉ်အတွင်းမှာပဲ Live မြင်နေရအောင် ကိုယ် ချစ်ရတဲ့သူတွေဆီ ပို့ပေးထားနိုင်တဲ့ Share My Ride လုပ်ဆောင်ချက်လို၊ အရေးပေါ်ဆက်သွယ်ရမယ့်ဖုန်းနံပါတ်တွေ ထည့်သွင်းထားနိုင်တဲ့အရေးပေါ်ခလုတ် Emergency SOS button၊ GrabChat နဲ့ ဖုန်းခေါ်တဲ့အခါ နံပါတ် မမြင်ရအောင် ကွယ်ထားပေးတဲ့ number-masking တွေလို တီထွင်ဆန်းသစ်မှုတွေနဲ့ Grab ဟာ အခုဆိုရင်  ထောင်သောင်းချီတဲ့အမျိုးသမီး၊ အမျိုးသားခရီးသည်တွေ ၊ မိတ်ဖက်ယာဉ်မောင်းအမျိုးသမီး၊ အမျိုးသားတွေအတွက်ပါ ပိုပြီး ဘေးကင်းလုံခြုံပြီး စိတ်ချအားထားရတဲ့ ယာဉ်ဝန်ဆောင်မှုတွေ ပေးနိုင်လာပါပြီ။

ဒါကအစပဲရှိပါသေးတယ်။ အန်သိုနီနဲ့ ကျွန်မဟာ သန်းချီတဲ့ အရှေ့တောင်အာရှသားတွေအတွက် နေ့စဉ်ဘဝ ပိုပြီးဘေးကင်းလုံခြုံမှုရှိစေဖို့ ယာဉ်ဝန်ဆောင်မှုပိုင်းဆိုတာထက် ကျော်လွန်ပြီး Grab ဝန်ဆောင်မှုတွေကနေ ကြိုတင်ကာကွယ်တားဆီးနိုင်တဲ့ဖြစ်ရပ်တွေကို လုံးဝဟန့်တားနိုင်ဖို့ ရည်မှန်းထားကြပါတယ်။ ဒါဟာ ဒေသတစ်ခွင်ရှိ သယ်ယူပို့ဆောင်ရေးလုံခြုံမှုအဆင့်ကို အကဲဖြတ်နိုင်ဖို့ Tech Roadmap ကို ပြီးခဲ့တဲ့အောက်တိုဘာမှာ မိတ်ဆက်ခဲ့တဲ့အချိန်တုန်းက ကတိပြုခဲ့တဲ့ #SaferEveryday ရဲ ကျွန်မတို့အနေနဲ့ အရှေ့တောင်အာရှတစ်ခုလုံးရဲ့ ပထမဆုံးနေ့စဉ်သုံး အက်ပလီကေးရှင်းအဖြစ် တိုးတက်ကြီးထွားလာခဲ့သလိုပဲ Grab ရဲ့ အဝန်းအဝိုင်းတစ်ခုလုံးမှာ ဘေးကင်းလုံခြုံရေးကို အဓိကထားတဲ့ လုပ်ဆောင်မှုတွေကို ဆက်လက် တိုးချဲ့ခဲ့ပြီးဖြစ်ပါတယ်။  ဆိုက်ဘာလုံခြုံမှုကနေ သတင်းအချက်အလက်ထိန်းသိမ်းမှုနဲ့ လိမ်လည်မှုတွေကို တားဆီးတာမျိုးတွေအထိပေါ့။

၂၀၁၈ ခုနှစ်က Grab နဲ့ စီးတာဟာ ( အင်ဒိုနီးရှား၊ ဖိလစ်ပိုင် ဒါမှမဟုတ် ကျွန်မတို့ လုပ်ငန်းလည်ပတ်နေတဲ့ ၈ နိုင်ငံက ဘယ်နိုင်ငံမှာပဲဖြစ်ဖြစ်) ဒီဒေသတစ်ခုလုံးမှာ ဘေးကင်းလုံခြုံမှုအရှိဆုံး သယ်ယူပို့ဆောင်ရေးစနစ်ရှိတဲ့စင်ကာပူလို နေရာမျိုးမှာ တက္ကစီစီးရတာလိုပဲ လုံခြုံစိတ်ချရတယ်လို့ တွေ့ရှိထားတဲ့အကြောင်း ပြောပြချင်ပါတယ်။ စင်ကာပူနိုင်ငံရဲ့ အငှားယာဉ်လုပ်ငန်းနယ်ပယ်မှာ ဘေးကင်းလုံခြုံမှုနဲ့ ဝန်ဆောင်မှုကို စောင့်ကြည့်ဖို့အတွက် ဥပဒေပြုသူတွေ သတ်မှတ်ထားတဲ့ ဝန်ဆောင်မှုအဆင့်အတန်းရဲ့ အနိမ့်ဆုံးသတ်မှတ်ချက်နဲ့ နှိုင်းယှဉ်ရင်  ဒေသတွင်း Grab အငှားယာဉ်ဝန်ဆောင်မှုတွေဟာ ယာဉ်မောင်းနဲ့ ဆက်စပ်တဲ့ ပြင်းထန်တဲ့မတော်တဆဖြစ်ပွားမှုမှာ ၆ ဆ ပိုပြီး ဘေးကင်းလုံခြုံသလို ယာဉ်မောင်းနဲ့ဆက်စပ်ဖြစ်တဲ့ပြဿနာတွေအရ ၂ ဆ ပိုပြီး ဘေးကင်းလုံခြုံမှုရှိတယ်လို့ ပြောနိုင်ပါတယ်။

ကျွန်မတို့ရဲ့ နေ့စဉ်နေ့တိုင်းပိုပြီး ဘေးကင်းလုံခြုံမှု ဖန်တီးဖို့ အားစိုက်ထုတ်မှုတွေဟာ တစ်ဦးချင်းစီပေါ်မှာသာမကဘဲ ဒေသတစ်ခွင်က ကျယ်ပြန့်တဲ့ အများပြည်သူ သယ်ယူူပို့ဆောင်ရေးလုပ်ငန်းအပေါ်မှာပါ သက်ရောက်မှုတွေမြင်တွေ့ရတဲ့အတွက် ကျွန်မတို့ အရမ်းဂုဏ်ယူမိပါတယ်။

ဒီ ၂၀၁၉ နှစ်ဝက်က စပြီး၊ Grab ကို သုံးစွဲသူတွေကို အလုံအလောက်အကာအကွယ်ပေးနိုင်ဖို့အတွက် ဘေးကင်းလုံခြုံရေးလုပ်ဆောင်ချက်အသစ်တွေကို မိတ်ဆက်ပေးသွားဖို့ ရှိပါတယ်။ ခရီးသည်စိစစ်အတည်ပြုတဲ့လုပ်ဆောင်ချက်၊ ခရီးစဉ်အတွင်းမှာ ကြုံလာတဲ့အရေးပေါ်ကိစ္စတွေအတွက် အချိန်နဲ့တစ်ပြေးညီ အကူအညီပေးနိုင်တဲ့လုပ်ဆောင်ချက်နဲ့ ယာဉ်မောင်းနဲ့ ခရီးသည်တွေအကြား အတတ်နိုင်ဆုံး စိတ်ချလက်ချစီးနင်းနိုင်အောင် ချိတ်ဆက်ပေးနိုင်တဲ့ စနစ်မျိုးလို လုပ်ဆောင်သွားဖို့ ရှိပါတယ်။

ကြိုတင်ကာကွယ်နိုင်သောဖြစ်ရပ်များအား လုံးဝဟန့်တားနိုင်ရန် လုပ်ဆောင်မှုခရီးစဉ်

Q1 2019: 

ခရီးသည် စိစစ်အတည်ပြုခြင်း  မိတ်ဖက်ယာဉ်မောင်းတွေနဲ့ ခရီးသည်တွေနှစ်ဖက်စလုံးအတွက် အမှုအခင်းဖြစ်ပွားမှုကနေ အကာအကွယ်ပေးတဲ့ စနစ်ကို မြှင့်တင်ပေးလိုတာဖြစ်ပါတယ်။

မိတ်ဖက်ယာဉ်မောင်းတွေအနေနဲ့ ခရီးစဉ်ကို လက်မခံမီ မိမိမျက်နှာ ပြပြီး အတည်ပြုတဲ့လုပ်ဆောင်ချက်တွေကို ကျော်ဖြတ်ရသလိုပဲ ခရီးသည်တွေအတွက်လည်း အလားတူအတည်ပြုတဲ့အဆင့်တွေကို လုပ်ဆောင်စေမှာဖြစ်ပါတယ်။ ဆယ်လ်ဖီပုံတွေကို အခုလို အတည်ပြုတဲ့လုပ်ဆောင်ချက်တွေမှာသာ အသုံးပြုမှာဖြစ်ပါတယ်။

Q2 2019: 

အန္တရာယ်ဖြစ်ပွားနိုင်တဲ့ဖြစ်ရပ်တွေကို လျှော့ချနိုင်ဖို့ ပိုမိုစိတ်ချရပြီး အဆင်ပြေတဲ့အလုပ်ခွဲဝေမှုများကို ပြုလုပ်ခြင်း

သုံးစွဲသူများရဲ့ တုံ့ပြန်ပြောကြားချက်တွေလို အရေးကြီးတဲ့အချက်အလက်တွေကို စိစစ်ပြီး ကျွန်တော်တို့ရဲ့ မိတ်ဖက်ယာဉ်မောင်းတွေနဲ့ ခရီးသည်တွေအကြား အန္တရာယ်အကင်းဆုံးချိတ်ဆက်မှုတွေပြုနိုင်ဖို့ အချိန်နဲ့တစ်ပြေးညီ ပြုလုပ်ပေးသွားမှာပါ။ ဘယ်ခရီးပဲ ပြုပြု၊  အမျိုးသမီးမိတ်ဖက်ယာဉ်မောင်းတွေဟာ အမျိုးသမီးခရီးသည်တွေဆီက ခရီးစဉ်ဘွတ်ကင်တွေကိုသာ လက်ခံရရှိနိုင်ဖို့ အတတ်နိုင်ဆုံး ချိတ်ဆက်ပေးမယ့်လုပ်ဆောင်ချက်ဖြစ်ပါတယ်။

Q3 2019: 

အရေးပေါ်အခြေအနေ အထောက်အပံ့ နှင့် အတူ ပေါင်းစည်းထားသည့် အချိန်နှင့်တပြေးညီ ခရီးစဉ်အား စောင့်ကြည့်မှု – ကျွန်ုပ်တို့ဟာ မော်တော်ယာဉ်တွေ ခွင့်ပြုချက်မရှိပဲ ရပ်နားတာ သို့မဟုတ် ယာဉ်မတော်တဆမှုဖြစ်ပွားတာမျိုးတွေကို စောင့်ကြည့်ထောက်လှမ်းတဲ့နေရာမှာ ပိုမိုကောင်းမွန် ခေတ်မီလာမှာ ဖြစ်ပါတယ်။ တိုးမြင့်ထားတဲ့ ခရီးစဉ် စောင့်ကြည့်မှုနည်းပညာ အားဖြင့် ဖြစ်ပွားလာနိုင်တဲ့ ထိခိုက်မှုတွေကို ကာကွယ်ဖို့၊ ထိခိုက်ထားတဲ့ အသုံးပြုသူတွေကို ချက်ချင်းလက်ငင်း အကူအညီပေးနိုင်ဖို့နဲ့ မှားယွင်းလုပ်ဆောင်မှုတွေကို တားဆီးဖို့အတွက် တတ်နိုင်သမျှ စောစီးစွာ ဝင်ရောက်ဆောင်ရွက်ပေးဖို့ Grab ဟာ အရေးပေါ် ဝန်ဆောင်မှုတွေနဲ့ လုပ်ဆောင်ပေးမှာ ဖြစ်ပါတယ်။

အပြောင်းအလဲကြီးကြီးမားမားပြုနိုင်ဖို့ အတူတူလက်တွဲလုပ်ဆောင်ကြစို့

“တစ်ယောက်တည်းဆို ကျွန်မတို့ နည်းနည်းပဲ လုပ်နိုင် အတူတူဆိုရင်တော့ အများကြီးလုပ်နိုင်မှာပါ ”

一 ဟယ်လင်ကဲလား

ကျွန်မရဲ့ အမြဲတမ်းသူရဲကောင်းတွေထဲက တစ်ယောက်ဖြစ်တဲ့ဟယ်လင်ကဲလားရဲ့ အမြော်အမြင်ရှိတဲ့စကားလုံးတွေဟာ Grab ရဲ့ တည်ထောင်မှု ကျင့်ဝတ်နီတိတွေထဲမှာ နက်နက်နဲနဲ စွဲခိုင်နေပါတယ်။ ပြဿနာဖြေရှင်းတဲ့နေရာမှာ ကျွန်မတို့ဟာ အမြဲတမ်း ပူပေါင်းဆောင်ရွက် ချဉ်းကပ်တဲ့ နည်းလမ်းကို အသုံးပြုခဲ့ပါတယ်။ ပြီးတော့ ကျွန်မတို့ဟာ ပိုများသော လူတွေရဲ့  ဘဝတွေကို အပြောင်းအလဲဖြစ်လာဖို့အတွက် ပူးပေါင်းဆောင်ရွက်ပေးကြတဲ့ ရည်ရွယ်ချက်တူညီတဲ့ အစိုးရအဖွဲ့အစည်းတွေနဲ့ အရပ်ဘက် လူမှုအဖွဲ့အစည်းတွေကို အလွန်ကျေးဇူးတင်ပါတယ်။

Grab အနေနဲ့ လိင်ပိုင်းဆိုင်ရာအကြမ်းဖက်မှုတွေအပေါ်  လုံးဝသည်းမခံတဲ့မူဝါဒကို အမြဲလက်ကိုင်ထားပါတယ်။ ကျွန်မတို့ဟာ ကမ္ဘာ့အဖွဲ့အစည်းတွေဖြစ်တဲ့  UN Women နဲ့ အင်ဒိုနီးရှားနိုင်ငံက အမျိုးသမီးများအား အကြမ်းဖက်မှုတိုက်ဖျက်ရေးဆိုင်ရာ ပြည်ထောင်စု ကော်မရှင် (Komnas Perempuan)စတဲ့ နိုင်ငံအဖွဲ့အစည်းတွေနဲ့ ပူးပေါင်းဆောင်ရွက်ပြီး လိင်ပိုင်းဆိုင်ရာအကြမ်းဖက်မှုတိုက်ဖျက်ရေးအတွက် မိတ်ဖက်ယာဉ်မောင်းတွေအနေနဲ့ ဒီလိုဖြစ်ရပ်မျိုးကြုံတွေ့လာရင်ကိုင်တွယ်နိုင်ဖို့နဲ့ ကာကွယ်တားဆီးနိုင်ဖို့ သင်တန်းပို့ချမှာဖြစ်ပါတယ်။

ဒါပေမယ့် ကျွန်မတို့ဟာ လိင်ပိုင်းဆိုင်ရာကျူးလွန်ခြင်းခံထားရတဲ့အမျိုးသမီးတွေနဲ့ မိမိကိုယ်တိုင်အတွက် ထုတ်ဖော်ပြောဆိုနိုင်မှု မရှိသူတွေအတွက် အထောက်အကူတွေ ထပ်ပြီး ပေးချင်ပါသေးတယ်။

လိင်ပိုင်းဆိုင်ရာ အကြမ်းဖက်ပြုကျင့်ခြင်းခံထားရသူတွေအတွက် အကျိုးအမြတ်အတွက်မဟုတ်ပဲ စိတ်ပိုင်းဆိုင်ရာ အကြံပြုဆွေးနွေးတိုင်ပင်ခြင်းနဲ့ လူမှုရေးအထောက်အပံ့တွေပေးတဲ့ အင်ဒိုနီးရှားက  Pulih Foundation နဲ့ ချိတ်ဆက်ပူးပေါင်းထားပါတယ်။ လိင်ပိုင်းဆိုင်ရာအကြမ်းဖက်ပြုကျင့်ခံထားရတဲ့ မိတ်ဖက်ယာဉ်မောင်းတွေနဲ့ ခရီးသည်တွေကို အကြံပြုဆွေးတွေတိုင်ပင်ခြင်းအတွက် အတူတကွ ကူညီဝန်ဆောင်မှု ပေးအပ်မှာဖြစ်ပါတယ်။ ပြီးခဲ့တဲ့အပတ်မှာပဲ Grab နဲ့ Pulih တို့ ပူးပေါင်းပြီး ကျွန်မတို့ရဲ့  ရှေ့တန်းက သုံးစွဲသူ အတွေ့အကြုံဆိုင်ရာအဖွဲ့ အတွက် လိင်ပိုင်ဆိုင်ရာအကြမ်းဖက်ခံရသူတွေရဲ့တိုင်ကြားချက်တွေကို ကြုံတွေ့ကိုင်တွယ်ရတဲ့အခါ အသင့်ဖြစ်နေစေဖို့ စိတ်ပိုင်းဆိုင်ရာ ရှေးဦးသူနာပြုသင်တန်း ပညာပေးအလုပ်ရုံဆွေးနွေးပွဲ ကျင်းပပြုလုပ်ပေးခဲ့ပါတယ်။

ပြီးတော့ ကျွန်မတို့ဟာ လအသိုင်းအဝန်းက အလွန်ချို့တဲ့နွမ်းပါးသူတွေဆီကို လက်လှမ်းမီနိုင်င်ဖို့ လုပ်ဆောင်မှုတွေကို ချဲ့ထွင်နေပါတယ်။ လူကုန်ကူးမှုဟာ ကမ္ဘာမှာ အကျိုးအမြတ်အများဆုံးဖြစ်ပြီး အရှိန်အဟုန်နဲ့တိုးတက်များပြားလာတဲ့ ရာဇဝတ်မှုတစ်မျိုးဖြစ်တယ်။ မျက်မှောက်ခေတ် ကျွန်ပြုခြင်းခံရသူ သန်း ၄၀ ထဲက သုံးပုံနှစ်ပုံဟာ အရှေ့အာရှနဲ့ ပစိဖိတ်နိုင်ငံတွေကသူတွေဖြစ်ပြီး ၇၁% ဟာ အမျိုးသမီးနဲ့ မိန်းကလေးငယ်တွေဖြစ်ပါတယ်။

ရံဖန်ရံခါမှာ တက္ကစီယာဉ်မောင်းတွေဟာ ကားမောင်းရင်း လူကုန်ကူးသူတွေနဲ့ လူကုန်ကူးခံရသူတွေကို လေဆိပ်၊ အဝေးပြေးဂိတ်တွေမှာ သွားကြိုရတာမျိုးတွေ ဒါမှမဟုတ် သူတို့ရဲ့ အလုပ်နေရာတွေဆီ ပို့ဆောင်ပေးရတာမျိုးတွေ တွေ့ကြုံရတတ်ပါတယ်။

ကျွန်မတို့ ဘယ်လိုတွေ ပိုကောင်းအောင် လုပ်ရမယ်ဆိုတာကို ပြောပြပေးပါ

အရှေ့တောင်အာရှနိုင်ငံတစ်ခုစီအတွက် ပိုမိုဘေးကင်းလုံခြုံတဲ့နေ့ရက်တွေ ဖန်တီးရေးဟာ ကျွန်မတို့ နှလုံးသားထဲ အမြဲ ကိန်းအောင်းနေတဲ့ ရည်မှန်းချက်တစ်ခုဖြစ်ပါတယ်။ အန်သိုနီနဲ့ ကျွန်မဟာ ဒီအရေးအရာမှာ တကယ့်ကို စိတ်ရော ကိုယ်ပါ နှစ်ပြီး အားထုတ်လုပ်ဆောင်နေပါတယ်။ ဒိထက်မကလည်း ဆက်လုပ်ဆောင်သွားဦးမှာပါ။ ဒီနှစ်တစ်လျှောက်လုံးမှာ ဘေးကင်းလုံခြုံမှုအတွက် လုပ်ဆောင်နေတဲ့ ကျွန်မတို့ရဲ့ လှုပ်ရှားမှုအသစ်တွေနဲ့ တိုးတက်မှုတွေကို အားလုံးဆီ အသိပေးသွားမှာပါ။  နောက်ဆုံး ကျွန်မတို့ရဲ့ ပလက်ဖောင်းပေါ်မှာ ကြိုတင်ကာကွယ်တားဆီးနိုင်တဲ့ဖြစ်ရပ်တွေ လုံးဝကင်းစင်သွားတဲ့အထိ တိုင်အောင်ပေါ့။

ကျွန်မတို့အတူတကွ ပိုပြီးလုပ်ဆောင်နိုင်ဖို့ ကြိုးစားရာမှာ – အလားအလာရှိတဲ့မိတ်ဖက်ယာဉ်မောင်းကနေ Grab အသုံးပြုသူတွေအထိ – အားလုံးရဲ့ တုန့်ပြန်ချက်တွေနဲ့ အကြုံပြုဖြေရှင်းချက်တွေကို ကြိုဆိုပါတယ်။ ကျွန်မတို့ဟာ safetyengagement@grab.com မှာ နားထောင်ပေးဖို့ အမြဲတမ်းအသင့်ရှိနေပါတယ်။