Grab ရဲ့ ရည်မှန်းချက်မှာ ၂၀၂၂ နှစ်ကုန်ပိုင်းတွင် Grab ဝန်ထမ်းများနဲ့ မိတ်ဖက်ယာဉ်မောင်းများ၊ ပို့ဆောင်သူများအားလုံး ကာကွယ်ဆေးထိုးနှံပြီးစီးရန်ဖြစ်ပါတယ်။
မိတ်ဖက်ပို့ဆောင်သူများနဲ့ Grab ဝန်ထမ်းများကို ကိုဗစ်-၁၉ ကာကွယ်ဆေးထိုးခြင်း၊ ကုန်ကျစရိတ်များ ပံ့ပိုးပေးခြင်းနဲ့ ကာကွယ်ဆေးထိုးနှံရန် စီစဉ်ပေးခြင်းများကို လုပ်ဆောင်ပေးနေပါတယ်။ မအားလပ်တဲ့ကြားက ကာကွယ်ဆေးသွားထိုးကြတဲ့ မိတ်ဖက်ယာဉ်မောင်းများကိုလည်း Grab က ငွေသားထောက်ပံ့မှုများ ပေးနေပါတယ်။
ကိုဗစ်-၁၉ ကြောင့် ဆေးရုံတက်ရတဲ့ မိတ်ဖက်ယာဉ်မောင်းများကို ငွေကြေးဆိုင်ရာ အခက်အခဲများဖြေလျှော့ပေးနိုင်ရန်အတွက် Grab က ငွေကြေးကူညီထောက်ပံ့မှုများ ပြုလုပ်ပေးနေပါတယ်။
#LocalHeroes အစီအစဉ်တွေကတစ်ဆင့် မိတ်ဖက်လုပ်ငန်းရှင်များကို ကျွန်တော်တို့ရဲ့ app မှာ ၎င်းတို့ရဲ့ စားသောက်ဆိုင်တွေကို ကြေညာပေးခြင်းအားဖြင့် လူအများရဲ့ အားပေးမှုကို ရရှိစေပါတယ်။
ကျွန်တော်တို့ရဲ့ #SupportLocal အစီအစဉ်က ကိုဗစ်-၁၉ စိန်ခေါ်မှုတွေကြားကနေ ရပ်တည်ဖို့ ကြိုးစားနေတဲ့ အသေးစားဆိုင်လေးတွေကို ကူညီပေးပါတယ်။ ဒီအစီအစဉ်ကတစ်ဆင့် Grab Myanmar ဟာ ဒေသတွင်းက GrabFood ပလက်ဖောင်းပေါ်မှာရှိနေတဲ့ မိတ်ဖက်ဆိုင်ရှင်ပေါင်း ၁၀၀ ကျော်ကို လူသိများလာအောင်နဲ့ အော်ဒါတက်လာအောင်ကူညီပေးနိုင်ခဲ့ပါတယ်။
ကပ်ရောဂါ အစပိုင်းမှာပဲ Grab ဟာ GrabProtect ဝန်ဆောင်မှုကို စတင်ခဲ့ပါတယ်။ ကိုဗစ်-၁၉ ရောဂါပိုးပျံ့နှံ့မှုကို လျှော့ချနိုင်ရန် ဘေးကင်းရေးနဲ့ သန့်ရှင်းရေးကို စီမံပေးထားသော ပို့ဆောင်ရေး ဝန်ဆောင်မှုဖြစ်ပါတယ်။
ခရီးသည်ရော၊ မိတ်ဖက်ယာဉ်မောင်းများပါ နှာခေါင်းစည်းမျက်နှာဖုံးကို အချိန်ပြည့် တပ်ထားရမှာ ဖြစ်ပါတယ်။ အကယ်၍ တစ်ဖက်ဖက်မှ နှာခေါင်းစည်း ဝတ်ဆင်ထားခြင်းမရှိပါက ခရီးစဉ်ကို ပယ်ဖျက်နိုင်ပြီး ဤပယ်ဖျက်မှုအတွက် ဒဏ်ကြေးပေးဆောင်ဖို့ လိုမည်မဟုတ်ပါ။ ခရီးစဉ် ပယ်ဖျက်ရခြင်း အကြောင်းရင်းများကို စောင့်ကြပ်ကြည့်ရှုပြီး ဘေးကင်းလုံခြုံစေဖို့အတွက် လိုအပ်တဲ့ လုပ်ဆောင်ချက်များကို ဆောင်ရွက်သွားမှာဖြစ်ပါတယ်။
မိတ်ဖက် ယာဉ်မောင်းများနဲ့ ပို့ဆောင်သူများအနေနဲ့ app ကနေတစ်ဆင့် ကျန်းမာရေးနဲ့ သန့်ရှင်းရေးဆိုင်ရာ အသိပေးချက်များကို ခရီးစဉ်မစခင် (သို့မဟုတ်) ပို့ဆောင်မှုမလုပ်ခင်မှာ ပေးပို့ရမှာဖြစ်ပါတယ်။ ဒါကတော့ ၎င်းတို့အနေနဲ့ ကိုဗစ်-၁၉ ရောဂါလက္ခဏာများမရှိကြောင်းနဲ့ လိုအပ်တဲ့ ဘေးကင်းခြင်းဆိုင်ရာလုပ်ဆောင်မှုများ ပြုလုပ်ပြီးကြောင်း အတည်ပြုရန်ဖြစ်ပါတယ်။ မိတ်ဖက် ယာဉ်မောင်းများနဲ့ ပို့ဆောင်သူများအနေနဲ့ အလုပ်မစခင်မှာ နှာခေါင်းစည်းမျက်နှာဖုံးတပ်ပြီး ဆယ်လ်ဖီရိုက်ဖို့လည်း လိုအပ်ပါတယ်။
စားသုံးသူများအနေဖြင့် မိတ်ဖက်ပို့ဆောင်သူများကို GrabChat မှတစ်ဆင့် ၎င်းတို့ရဲ့ အော်ဒါများကို အိမ်ရှေ့၊ တံခါးဝ စတဲ့နေရာတွေမှာ ထားခဲ့ပေးဖို့ ကြိုတင် အကြောင်းကြားထားလို့ ရပါတယ်။
စားသုံသူများကို ငွေသားမဲ့ပေးချေခြင်းများ အသုံးပြုရန် တိုက်တွန်းခြင်းဖြင့် ထိတွေ့မှုနည်းခြင်းကြောင့် ခရီးစဉ်တိုင်းနဲ့ ပို့ဆောင်မှုတိုင်းကို ပိုပြီး ဘေးကင်းစေမှာဖြစ်ပါတယ်။
မိတ်ဖက်ယာဉ်မောင်းများနဲ့ ပို့ဆောင်သူများကို ၎င်းတို့ရဲ့ ယာဉ်များနဲ့ GrabFood ပို့ဆောင်ရေးအိတ်များကို မကြာခဏ သန့်ရှင်းရေးလုပ်ဖို့ ညွှန်ကြားထားပါတယ်။ Grab အနေနဲ့ မိတ်ဖက်လုပ်ငန်းများနဲ့ ပူးပေါင်းပြီး ကျွန်တော်တို့ရဲ့ မိတ်ဖက်များကို နှာခေါင်းစည်းမျက်နှာဖုံးများ၊ လက်သန့်ဆေးရည်များ အပါအဝင် GrabProtect သန့်ရှင်းရေးပစ္စည်းများကို အခမဲ့ ပေးဝေခြင်းများ ပြုလုပ်ခဲ့ပါတယ်။
သုံးစွဲသူများဟာ ကျွန်တော်တို့ရဲ့ app ထဲကတစ်ဆင့် အဆင့်သတ်မှတ်ချက်များပေးခြင်း၊ ကျန်းမာရေးနဲ့ တစ်ကိုယ်ရေသန့်ရှင်းခြင်းများနဲ့ဆက်စပ်တဲ့ အကြံများပေးခြင်းတို့ကို ပေးပို့နိုင်ပါတယ်။ ရရှိလာတဲ့အကြံပြုချက်များကို သေချာစိစစ်ပြီး လူအများ ဘေးကင်းလုံခြုံမှုရှိစေရန် လိုအပ်တဲ့ ဆောင်ရွက်မှုများ ပြုလုပ်နေပါတယ်။
ပိုမိုသိရှိရန်
ပိုမိုသိရှိရန်
Grab Myanmar
9 A, Nat Mauk Yeik Tha Street,
Nat Mauk Ward,
Tarmwe Township,
Yangon, Myanmar