កាលបរិច្ឆេទមានសុពលភាព៖ ថ្ងៃ២៥ ខែតុលា ឆ្នាំ២០២៤
សេចក្ដីជូនដំណឹងស្ដីពីឯកជនភាព និងសេចក្ដីបំពេញបន្ថែមនៃសេចក្ដីជូនដំណឹងស្ដីពីឯកជនភាពនេះ (“សេចក្ដីជូន ដំណឹងស្ដីពីឯកជនភាព”) រៀបរាប់អំពីរបៀបដែលក្រុមហ៊ុន Grab Holdings Limited ក្រុមហ៊ុនសម្ព័ន្ធ ក្រុមហ៊ុនសាខា ក្រុមហ៊ុនពាក់ព័ន្ធ និងក្រុមហ៊ុនចូលរួមគ្រប់គ្រងទាំងអស់របស់ក្រុមហ៊ុន Grab Holdings Limited (រួមគ្នាហៅថា “ហ្គ្រេប” “យើង” “ពួកយើង” ឬ “របស់ពួកយើង”) ក្នុងការប្រមូល ប្រើប្រាស់ ធ្វើប្រព្រឹត្តកម្ម និងលាតត្រដាងទិន្នន័យ បុគ្គលរបស់អ្នកតាមរយៈការប្រើប្រាស់កម្មវិធីទូរសព្ទដៃ Grab App និងគេហទំព័រផ្សេងៗ (ដោយឡែកពីគ្នាហៅថា “កម្មវិធី” Apps និង “គេហទំព័រ” Websites) ហើយក៏ដូចជា ផលិតផល មុខងារ និងសេវាកម្មផ្សេងៗជាសកល ដែលដាក់ឱ្យដំណើរការដោយ ហ្គ្រេប (រួមគ្នាហៅថា “សេវាកម្ម”)។
សេចក្ដីជូនដំណឹងនេះអនុវត្ដចំពោះអតិថិជន ភ្នាក់ងារ អ្នកផ្ដល់សេវា Vendors អ្នកផ្គត់ផ្គង់ ដៃគូ (ដូចជាដៃគូបើកបរ ដៃគូដឹកជញ្ជូន និងដៃគូអាជីវករផ្សេងទៀត) អ្នកម៉ៅការ និងសេវាករផ្សេងៗ (រួមគ្នាហៅថា “អ្នក” “របស់អ្នក” your ឬ “ជារបស់អ្នក” yours)។
“ទិន្នន័យបុគ្គល” គឺជាព័ត៌មានណាមួយដែលអាចត្រូវបានប្រើប្រាស់ដើម្បីកំណត់អត្តសញ្ញាណអ្នក ឬព័ត៌មានណាមួយ ដែលអ្នក អាចត្រូវបានកំណត់អត្តសញ្ញាណបាន។ ព័ត៌មានទាំងនោះរួមមាន ប៉ុន្ដែមិនកំណត់ចំពោះ ឈ្មោះ សញ្ជាតិ លេខទូរសព្ទ ព័ត៌មាន លម្អិតអំពីធនាគារ និងបណ្ណឥណទានរបស់អ្នក អត្ថប្រយោជន៍ផ្ទាល់ខ្លួន អាសយដ្ឋានអ៊ីមែល រូបភាពរបស់អ្នក លេខ អត្តសញ្ញាណបណ្ណដែលចេញដោយរាជរដ្ឋាភិបាល ទិន្នន័យជីវមាត្រ ពូជសាសន៍ ថ្ងៃខែឆ្នាំកំណើត ស្ថានភាពអាពាហ៍ពិពាហ៍ សាសនា ព័ត៌មានសុខភាព ព័ត៌មានរថយន្ដ និងធានារ៉ាប់រង ព័ត៌មានការងារ និងព័ត៌មានហិរញ្ញវត្ថុ។
ជាធម្មតា យើងប្រមូល ប្រើប្រាស់ លាតត្រដាង ឬធ្វើប្រព្រឹត្ដកម្មទិន្នន័យផ្ទាល់ខ្ លួនរបស់អ្នកស្របតាមសេចក្ដីជូនដំណឹង ស្ដីពីឯកជនភាព ដោយមានការយល់ព្រមរបស់អ្នក ឬស្របតាមច្បាប់ជាធរមាន នៅពេលដែល៖
យើងប្រមូលទិន្នន័យបុគ្គលអំពីអ្នកនៅក្នុងវិធីដែលមានរៀបរាប់ដូចខាងក្រោម។ យើងក៏អាចដាក់បញ្ចូលគ្នានៃទិន្នន័យបុគ្គល ដែលប្រមូលបានតាមរយៈបណ្ដាញផ្សេងៗផងដែរ៖
យើងប្រមូលទិន្នន័យបុគ្គលរបស់អ្នកនៅពេលអ្នកផ្ដល់ទិន្នន័យនោះមកឱ្យយើង។ ឧទាហរណ៍ នៅពេលដែលអ្នក៖
ទិន្នន័យបុគ្គលអាចត្រូវបានប្រមូលតាមរយៈប្រតិបត្តិការធម្មតាទូទៅ ឬ ការប្រើប្រាស់កម្មវិធី គេហទំព័រ និងសេវាកម្មផ្សេងៗរបស់ យើង។ ឧទាហរណ៍ខ្លះៗដូចជា៖
យើងអាចប្រមូលទិន្នន័យបុគ្គល ដែលរួមមាន ប៉ុន្ដែមិនកំណត់ចំពោះ ឈ្មោះ ព័ត៌មានទំនាក់ទំនង និងព័ត៌មានអត្តសញ្ញាណ ផ្សេងៗទៀតរបស់អ្នកនៅពេលដែលត្រូវការ ចេញពីប្រភពផ្សេងៗទៀត។ ប្រភពទាំងនោះរួមមាន៖
ទិន្នន័យបុគ្គលមួយចំនួនដែលយើងប្រមូលអាចមានប្រភេទទិន្នន័យរសើបនៅក្នុងយុត្តាធិការខ្លះ។ ទិន្ន័យទាំងនោះ អាចរួមមាន ទិន្នន័យបុគ្គលដែល ពាក់ព័ន្ធនឹងពូជសាសន៍ ព័ត៌មានអត្តសញ្ញាណជាតិ ជំនឿសាសនា ព័ត៌មានប្រវត្តិរូប (រួមទាំងកំណត់ត្រាហិរញ្ញវត្ថុ និងឧក្រិដ្ឋកម្ម ដែលច្បាប់អនុញ្ញាត) ទិន្នន័យសុខភាព ពិការភាព ស្ថានភាពអាពាហ៍ពិពាហ៍ ទីតាំង និងទិន្នន័យជីវមាត្រ តាមដែលអាចអនុវត្តបាន។ យើងប្រមូលទិន្នន័យបុគ្គលដែលរសើប លុះត្រាតែមានការយល់ព្រមរបស់អ្នក និង/ឬ នៅក្នុងការអនុលោមយ៉ាងតឹងរឹងស្រប ជាមួយច្បាប់ជាធរមាន។ នៅក្នុងករណីដែលអ្នកត្រូវបានតម្រូវឱ្យផ្ដល់ឯកសារ ឬ ព័ត៌មានណាមួយដល់ពួកយើងសម្រាប់ គោលបំណងណាមួយ ដែលអាចមានទិន្នន័យបុគ្គលដែលរសើបនោះ (ដែលមិនតម្រូវឱ្យមានគោលបំណង) អ្នកយល់ព្រម កែប្រែទិន្នន័យផ្ទាល់ខ្លួនដែលរសើបនេះឡើងវិញ មុនពេលផ្ដល់ឯកសារ ឬ ព័ត៌មានទាំងនោះដល់ពួកយើង។
ក្នុងស្ថានភាពខ្លះ អ្នកអាចផ្ដល់ទិន្នន័យបុគ្គលរបស់អ្នកដទៃ (ដូចជា ប្ដីប្រពន្ធ សមាជិកគ្រួសារ ឬមិត្តភក្ដិរបស់ អ្នក) ដល់ពួក យើង។ ឧទាហរណ៍ អ្នកអាចដាក់ព័ត៌មានពួកគេជាលេខទំនាក់ទំនងបន្ទាន់របស់អ្នក នៅពេលអ្នកប្រើប្រាស់មុខងារជជែក (chat) នៅក្នុងកម្មវិធី ការកក់ការធ្វើដំណើរឱ្យអ្នកដ៏ទៃ ឬ នៅពេលអ្នកដាក់ពួកគេជាអ្នកទទួល ឬ ជាអត្ថគាហកៈនៃការប្រើប្រាស់សេវាកម្មរបស់យើង។ ប្រសិនបើអ្នក ផ្ដល់ឱ្យយើងនូវទិន្នន័យបុគ្គលរបស់ពួកគេ អ្នកធ្វើការតំណាងអះអាង និងធានាថា អ្នកបានទទួលការយល់ព្រមពីពួកគេ សម្រាប់ទិន្នន័យបុគ្គលរបស់ពួកគេដែលត្រូវបានប្រមូល ប្រើប្រាស់ និងលាតត្រដាង ដូចមានចែងនៅក្នុងសេចក្ដីជូនដំណឹង ស្ដីពីឯកជនភាពនេះ។
ក្នុងនាមជាមាតាបិតា ឬអាណាព្យាបាលស្របច្បាប់ សូមកុំអនុញ្ញាតឱ្យអនីតិជនដែលនៅក្រោមការថែរក្សារបស់អ្នកដាក់ទិន្នន័យ បុគ្គលឱ្យ ហ្គ្រេប ឡើយ។ ក្នុងករណីដែលទិន្នន័យបុគ្គលរបស់អនីតិជនត្រូវបានលាតត្រដាងដល់ ហ្គ្រេប អ្នកយល់ព្រមចំពោះ ការធ្វើប្រព្រឹត្តកម្មនៃទិន្នន័យបុគ្គលរបស់អនីតិជន ហើយទទួលស្គាល់ និងយល់ព្រមនៅក្រោមសិទ្ធិ និងកាតព្វកិច្ចនៃសេចក្ដីជូន ដំណឹងនេះ និងទទួលខុសត្រូវចំពោះសកម្មភាពផ្សេងៗរបស់គាត់។
ហ្គ្រេប អាចប្រើប្រាស់ទិន្នន័យបុគ្គលរបស់អ្នកសម្រាប់គោលបំណងផ្សេងៗដូចដែលមានចែងក្នុងការរៀបរាប់ខាងក្រោម។ (“គោលបំណង”)។ លើសពីនេះ ប្រសិនបើអ្នកប្រើប្រាស់ ហ្គ្រេប ក្នុងសមត្ថភាពផ្សេងៗ (ឧទាហរណ៍ ប្រសិនបើអ្នកប្រើប្រាស់ សេវាកម្មរបស់ ហ្គ្រេប ច្រើនប្រភេទ ឬ ប្រសិនបើអ្នកគឺជាដៃគូបើកបរ/ដៃគូដឹកជញ្ជូនផង និងជាអ្នកប្រើប្រាស់ផង) យើងអាចភ្ជាប់ ទិន្នន័យបុគ្គលរបស់អ្នកដែលប្រមូលបានតាមសមត្ថភាពផ្សេងៗរបស់អ្នក ដើម្បីសម្រួលដល់ការប្រើប្រាស់របស់អ្នកចំពោះ សេវាកម្មផ្សេងៗរបស់យើង និងសម្រាប់គោលបំណងផ្សេងៗទៀតដូចដែលពិពណ៌នាខាងក្រោម៖
ទិន្នន័យបុគ្គលរបស់អ្នកនឹងត្រូវបានប្រើប្រាស់ដើម្បីផ្ដល់ ធ្វើបដិរូបកម្ម ថែរក្សា និងកែលម្អកម្មវិធី គេហទំព័រ និងសេវាកម្ម ផ្សេងៗរបស់យើង។ នេះរួមបញ្ចូលទាំងការប្រើប្រាស់ទិន្នន័យបុគ្គលរបស់អ្នកដើម្បី៖
ក្នុងការផ្តល់ឱ្យអ្នកនូវសេវាកម្ម និងមុខងារទាំងនេះ យើងអាចប្រើមធ្យោបាយដោយដៃផ្ទាល់ ឬ ដោយស្វ័យប្រវត្តិ រួមទាំងសេវាកម្ម ដោយប្រើបញ្ញាសិប្បនិមិត្ត (AI) ផងដែរ។ យើងខិតខំធានានូវភាពត្រឹមត្រូវ និងភាពជឿជាក់នៃសេវាកម្មដោយប្រើបញ្ញាសិប្បនិមិត្ត (AI) របស់យើង ហើយនៅពេលណាដែលចាំបាច់ យើងអាចផ្ទៀងផ្ទាត់លទ្ធផលដោយដៃផ្ទាល់។
យើងប្រើប្រាស់ទិន្នន័យរបស់អ្នក ដើម្បីធានាសុវត្ថិភាព និងសន្ដិសុខនៃសេវាកម្មផ្សេងៗរបស់យើង និងអ្នកប្រើប្រាស់ទាំងអស់។ នេះរួមមាន៖
យើងប្រើទិន្នន័យបុគ្គលដើម្បីដោះស្រាយបញ្ហារបស់អ្នកប្រើប្រាស់។ ឧទាហរណ៍ យើងអាច៖
យើងអាចប្រើប្រាស់ទិន្នន័យបុគ្គលដែលយើងប្រមូលសម្រាប់ធ្វើតេស្ដសាកល្បង ការស្រាវជ្រាវ ការវិភាគ ការបង្ហាត់បង្រៀន និងអភិវឌ្ឍន៍ ផលិតផល។ កិច្ចនេះអនុញ្ញាតឱ្យយើងយល់ដឹង និងវិភាគតម្រូវការចាំបាច់ និងចំណូលចិត្តរបស់អ្នក កិច្ចការពារទិន្នន័យ បុគ្គលរបស់អ្នក កែលម្អ និងលើកកម្ពស់សុវត្ថិភាព និងសន្ដិសុខនៃសេវាកម្មផ្សេងៗរបស់យើង អភិវឌ្ឍមុខងារ ផលិតផល និង សេវាកម្មថ្មី និងជួយសម្រួលដល់ការអភិវឌ្ឍការផ្ដល់ប្រភេទសេវាធានារ៉ាប់រង និងហិរញ្ញវត្ថុផ្សេងៗ។
យើងអាចប្រើប្រាស់ទិន្នន័យបុគ្គលដែលយើងប្រមូលសម្រាប់គោលបំណងខាងផ្លូវច្បាប់ផ្សេងៗ ដូចជា ដើម្បីស៊ើបអង្កេត និង ដោះស្រាយការទាមទារ ឬវិវាទ តាមដាន/ ទប់ស្កាត់/ ស្វែងរកការប្រព្រឹត្តិបទឧក្រិដ្ឋ ឬតាមច្បាប់ជាធរមានអនុញ្ញាត ឬទមទារ។
យើងក៏អាចប្រើប្រាស់ទិន្នន័យបុគ្គលរបស់អ្នក នៅពេលដែលយើងត្រូវបានតម្រូវឱ្យធ្វើ ត្រូវបានផ្ដល់យោបល់ ណែនាំ រំពឹង ឬស្នើសុំ ឱ្យធ្វើបែបនោះ ដោយទីប្រឹក្សាផ្នែកច្បាប់ ឬអ្នកច្បាប់នៅក្នុងប្រទេស ឬបរទេសរបស់យើង និយតករ រដ្ឋាភិបាល ឬអាជ្ញាធរផ្សេងៗ។
ឧទាហរណ៍ យើងអាចប្រើទិន្នន័យបុគ្គលរបស់អ្នកដើម្បី៖
យើងអាចប្រើប្រាស់ទិន្នន័យបុគ្គលរបស់អ្នក ដើម្បីផ្ញើឱ្យអ្នកនូវទំនាក់ទំនងផ្នែកទីផ្សារពាក់ព័ន្ធនឹងផលិតផល ឬសេវាកម្មតាម គោលបំណង (ដែលអាចជាចំណាច់អារម្មណ៍ ឬជាប់ពាក់ព័ន្ធដោយផ្អែកលើប្រូហ្វាលរបស់អ្នក) ឬផលិតផល សេវាកម្ម ព្រឹត្តិការណ៍ ឬការប្រម៉ូសិនផ្សេងៗរបស់ដៃគូ ម្ចាស់ឧបត្តម្ភ និងអ្នកផ្សាយពាណិជ្ជកម្មរបស់ ហ្គ្រេប។ ឧទាហរណ៍ យើងអាច៖
យើងអាចទំនាក់ទំនងការធ្វើកិច្ចផ្នែកទីផ្សារបែបនេះទៅអ្នកតាមមធ្យោបាយផ្សេងៗតាមដែលអាចអនុវត្តបាន (រួមមាន តាមរយៈ ការផ្ញើសារ SMS មុខងារជជែក Chat នៅក្នុងកម្មវិធី (ឧទាហរណ៍ដូចជា WhatsApp, Telegram, LINE, Viber, WeChat, Zalo) ការជូនដំណឹង ការហៅតាមទូរសព្ទ និងតាមអ៊ីមែល)។
ប្រសិនបើអ្នកចង់ឈប់ជាវ (unsubscribe) សម្រាប់ការទទួលបានទំនាក់ទំនងផ្នែកទីផ្សារបែបនេះ សូមចុចលើ តំណឈប់ជាវនៅក្នុងអ៊ីមែល ឬសារដែលពាក់ព័ន្ធ។ ម៉្យាងវិញទៀត អ្នកក៏អាចធ្វើបច្ចុប្បន្នភាពចំណូលចិត្តរបស់អ្នកនៅក្នុងកន្លែង កំណត់កម្មវិធី (setting) របស់យើងផងដែរ។ សូមចំណាំថា ខណៈពេលដែលអ្នកអាចដកខ្លួនចេញពីទំនាក់ទំនង ផ្នែកទីផ្សារ ឬ ការប្រម៉ូសិនផ្សេងៗ ហ្គ្រេប នៅតែអាចផ្ញើគណនី និង/ឬ សារផ្សេងៗដែលទាក់ទងនឹងសេវាកម្មដល់អ្នក (ដូចជា ការផ្ទៀងផ្ទាត់ ពីរផ្នែក (two-factors authentication) ព័ត៌មាន ស្ដីពីប្រតិបត្តិការរបស់អ្នក រង្វាន់ផ្សេងៗ ជាដើម)។
ប្រសិនបើអ្នកជ្រើសរើសក្នុងការបង្ហោះផ្សាយមាតិកា (ដូចជា ការផ្ដល់តមិវាយតម្លៃ ឬមតិយោបល់) នៅលើវេទិការបស់ ហ្គ្រេប ខ្លឹមសារនៃមាតិកា នោះនឹងត្រូវបានបង្ហាញជាសាធារណៈរួមជាមួយនឹងទិន្នន័យបុគ្គលរបស់អ្នក (ដូចជា ឈ្មោះប្រើប្រាស់ រូបថតដែលបានបង្ហោះ) និង ព័ត៌មានផ្សេងៗទៀតដែលអ្នកបានដាក់បញ្ចូលក្នុងខ្លឹមសារមាតិការបស់អ្នក។ សម្រាប់ព័ត៌មានបន្ថែម សូមមើល គោលការណ៍ស្ដីពីការផ្ដល់មតិវាយតម្លៃ របស់យើង។
យើងមានភាពចាំបាច់ចែករំលែកទិន្នន័យបុគ្គលជាមួយភាគីផ្សេងៗសម្រាប់គោលបំណងផ្សេងៗ។ ភាគីទាំងនោះរួមមាន៖
ឧទាហរណ៍៖
ឧទាហរណ៍៖
ជាឧទាហរណ៍៖
យើងចែករំលែកទិន្នន័យជាមួយក្រុមហ៊ុនបុត្រសម្ព័ន្ធ ក្រុមហ៊ុនពាក់ព័ន្ធ ក្រុមហ៊ុនគ្រប់គ្រងរួមគ្នា និងក្រុមហ៊ុនសាខាផ្សេងៗ។ ក្រុមហ៊ុនផ្សេងៗនៅក្នុងសម្ព័ន្ធក្រុមហ៊ុន ហ្គ្រេប ដែលចែករំលែកហេដ្ឋារចនាសម្ព័ន្ធ បច្ចេកវិទ្យា និងធនធានផ្សេងៗ ជាមួយគ្នាទៅវិញទៅមក ដើម្បីផ្ដល់ឱ្យអ្នកនូវបទពិសោធន៍ដែលត្រឹមត្រូវជាក់លាប់ គូឱ្យទុកចិត្ត និងមានសុវត្ថិភាព នៅពេល អ្នកប្រើប្រាស់ ផលិតផល ឬ សេវាកម្មរបស់យើង និងសម្រាប់គោលបំណងដែលមានចែងក្នុងសេចក្ដីជូនដំណឹងស្ដីពី ឯកជនភាពនេះ។
ជាឧទាហរណ៍ យើងធ្វើបែបនេះដើម្បីធ្វើឱ្យបទពិសោធន៍របស់អ្នកកាន់តែរលូន ដូចជាការបំពេញព័ត៌មានចុះឈ្មោះរបស់អ្នក ដោយស្វ័យប្រវត្តិពីការប្រើប្រាស់ផលិតផល ឬ សេវាកម្មរបស់ ហ្គ្រេប ។
យើងអាចផ្ដល់ទិន្នន័យបុគ្គលដល់អ្នកផ្គត់ផ្គង់ (vendors) ទីប្រឹក្សា ដៃគូផ្នែកទីផ្សារ ក្រុមហ៊ុនស្រាវជ្រាវ និងអ្នកផ្គល់សេវាកម្ម ឬ ដៃគូអាជីវកម្មផ្សេងៗរបស់ ហ្គ្រេប។ នេះរួមមាន៖
ឧទាហរណ៍៖
យើងអាចចែករំលែកទិន្នន័យបុគ្គលរបស់អ្នកជាមួយទីប្រឹក្សាផ្នែកច្បាប់ មន្ដ្រីអនុវត្តច្បាប់ អាជ្ញាធររាជរដ្ឋាភិបាល និងតតិយជន ផ្សេងៗទៀត។ ករណីនេះអាចអនុវត្តដើម្បីបំពេញឱ្យគោលបំណងផ្លូវច្បាប់ផ្សេងៗ (ដែលបានរៀបរាប់ខាងលើ) ឬកាលៈទេសៈ ណាមួយដូចខាងក្រោម៖
យើងអាចចែករំលែកទិន្នន័យបុគ្គលរបស់អ្នកជាមួយភាគីផ្សេងៗ ទាក់ទងនឹងការធ្វើលទ្ធកម្ម ការលក់ ការរួមបញ្ចូលគ្នា ការបណ្ដាក់ ទុនរួមគ្នា ការបង្រួបបង្រួម ការរៀបចំរចនាសម្ព័ន្ធឡើងវិញ ការផ្ដល់ហិរញ្ញប្បទាន ឬប្រតិបត្តិការអាជីវកម្មផ្សេងៗទៀតណាមួយ។ ទោះជាយ៉ាងណាក៏ដោយ ទិន្នន័យបុគ្គលរបស់អ្នកនឹងនៅតែស្ថិតក្រោមកាតព្វកិច្ចរបស់យើងដែលបានធ្វើឡើងនៅក្នុងសេចក្ដី ជូនដំណឹងស្ដីពីឯកជនភាពដែលមានស្រាប់ ដែលអ្នកបានយល់ព្រម។
យើងរក្សាទិន្នន័យបុគ្គលរបស់អ្នកសម្រាប់រយៈពេលដែលចាំបាច់ដើម្បីបំពេញនូវគោលបំណង ដែលមានចែងក្នុងសេចក្ដី ជូនដំណឹងនេះ លុះត្រារយៈពេលការរក្សាទុកយូរជាងនេះត្រូវបានតម្រូវ ឬ អនុញ្ញាតដោយច្បាប់។ រយៈពេលនៃការរក្សាទុកខុស គ្នាអាស្រ័យលើធាតុ ដូចជាលក្ខណៈនៃទិន្នន័យ មូលហេតុដែលទិន្នន័យត្រូវបានប្រមូល និងធ្វើប្រព្រឹត្តកម្ម និងតម្រូវការផ្នែកច្បាប់ ឬ អាជីវកម្មពាក់ព័ន្ធ។ ឧទាហរណ៍ រូបភាពថតដោយខ្លួនឯង (Selfie) នឹងត្រូវបំផ្លាញក្នុងរយៈពេល ១០ ឆ្នាំពីការប្រមូល លើកលែងតែមានការអនុញ្ញាត ឬ តម្រូវដោយច្បាប់ ឬ នីតិវិធីផ្លូវច្បាប់ដើម្បីរក្សាទិន្នន័យ។
នៅពេលដែលទិន្នន័យបុគ្គលរបស់អ្នកលែងជាតម្រូវការសម្រាប់សេវាកម្ម ឬ គោលបំណងផ្សេទៀត ឬ យើងលែងមាន គោលបំណងតាមផ្លូវច្បាប់ ឬ អាជីវកម្មសម្រាប់ការរក្សាទុកទិន្នន័យបុគ្គលរបស់អ្នក យើងចាត់វិធានការដើម្បីលុប បំផ្លាញ ធ្វើឱ្យក្លាយទៅជាអនាមិក ឬ ការពារការអាក់សេសចូលប្រើ ឬ ប្រើប្រាស់ទិន្នន័យបុគ្គលនោះសម្រាប់ គោលបំណងណាមួយក្រៅ ពីការអនុលោមតាមសេចក្តីជូនដំណឹងនេះ ឬ សម្រាប់គោលបំណងសុវត្ថិភាព សុវត្ថិភាព ការការពារ និងការស្វែងរកការក្លែងបន្លំ ដោយអនុលោមតាមលក្ខខណ្ឌតម្រូវនៃច្បាប់ជាធរមាន។
ទិន្នន័យបុគ្គលរបស់អ្នកអាចត្រូវបានផ្ទេរពីប្រទេស រដ្ឋ និងទីក្រុង (“ប្រទេសដើម”) ដែលអ្នកមានវត្ដមាននៅពេលប្រើប្រាស់ សេវាកម្មរបស់យើងទៅកាន់ប្រទេស រដ្ឋ និងទីក្រុងផ្សេងទៀត (“ប្រទេសផ្សេង”)។
នៅពេលយើងផ្ទេរទិន្នន័យបុគ្គលរបស់អ្នកពីប្រទេសដើមរបស់អ្នកទៅប្រទេសផ្សេង យើងនឹងគោរពតាមកាតព្វកិច្ចច្បាប់ និង បទប្បញ្ញត្តិទាក់ទងនឹងទិន្នន័យបុគ្គលរបស់អ្នក ដែលរួមមានមូលដ្ឋានផ្លូវច្បាប់សម្រាប់ការផ្ទេរទិន្នន័យបុគ្គល និងការដាក់ ការការពារសមស្រប ដើម្បីធានាឱ្យបានកម្រិតនៃការការពារគ្រប់គ្រាន់សម្រាប់ទិន្នន័យបុគ្គល។ យើងនឹងធានាផងដែរថាអ្នក ទទួលនៅក្នុងប្រទេសផ្សេងមានកាតព្វកិច្ចក្នុងការការពារទិន្នន័យបុគ្គលរបស់អ្នកនៅក្នុងកម្រង់ស្ដង់ដារនៃការ ការពារដែលអាចប្រៀបធៀបទៅនឹងការការពារក្រោមច្បាប់ជាធរមាន។
មូលដ្ឋានស្របច្បាប់របស់យើងនឹងមានការយល់ព្រម (ឧទាហរណ៍ យើងអាចស្នើសុំការយល់ព្រមរបស់អ្នកដើម្បីផ្ទេរទិន្នន័យ បុគ្គលរបស់អ្នកពីប្រទេសដើមរបស់អ្នកទៅកាន់ប្រទេសផ្សេងនៅពេលដែលអ្នកផ្ដល់ទិន្នន័យបុគ្គលរបស់អ្នក) ឬ ការការពារដែល អនុញ្ញាតដោយច្បាប់។
ហ្គ្រេប និងតតិយជនដែលជាដៃគូរបស់យើងអាចប្រើខូឃី (Cookies) កម្មវិធី web beacons ស្លាក ស្គ្រីប (scripts) កម្មវត្ថុដែលចែករំលែកក្នុងមូលដ្ឋាន ដូចជា HTML5 ឧបករណ៍កំណត់អត្តសញ្ញាណការផ្សាយពាណិជ្ជកម្ម និងបច្ចេកវិទ្យា ស្រដៀងគ្នា (ដូចជាឧបករណ៍អភិវឌ្ឍន៍កម្មវិធី (SDKs) ដែលមានមុខងារស្រដៀងគ្នាទៅនឹងខូឃី និងដែលអាចត្រូវបាន ដំឡើងនៅក្នុងកម្មវិធី Grab App (រួមគ្នាហៅថា ខូឃី “Cookies”) ទាក់ទងនឹងការប្រើប្រាស់គេហទំព័រ និងកម្មវិធី របស់អ្នក ដែលអាចបន្ដ ឬរក្សាទុកតែក្នុងអំឡុងពេលនៃវគ្គនីមួយៗនៅលើកម្មវិធីរុករក (browsers) ឬឧបករណ៍របស់អ្នក។
ខូឃីអាចមានឧបករណ៍កំណត់អត្តសញ្ញាណពិសេស ហើយមានទីតាំងនៅក្នុងចំណោមកន្លែងផ្សេងទៀតនៅលើកុំព្យូទ័រ ឬ ទូរសព្ទ ដៃរបស់អ្នក នៅក្នុងអ៊ីមែល ដែលយើងផ្ញើទៅអ្នក និងនៅលើគេហទំព័រផ្សេងៗរបស់យើង។ ខូឃីអាចត្រូវបានប្រើសម្រាប់ គោលបំណងផ្សេងៗដូចជា៖
ហ្គ្រេប អាចអនុញ្ញាតឱ្យតតិយជនប្រើប្រាស់ខូឃីនៅលើគេហទំព័រ និងកម្មវិធីដើម្បីប្រមូលទិន្នន័យបុគ្គលប្រភេទដូចគ្នាសម្រាប់ គោលបំណងដូចគ្នា ដូចដែល ហ្គ្រេប ធ្វើសម្រាប់ ហ្គ្រេប ផ្ទាល់។ តតិយជនផ្សេងៗ ប្រហែលជាអាចភ្ជាប់ ទិន្នន័យបុគ្គល ដែលពួកគេប្រមូលជាមួយទិន្នន័យបុគ្គលផ្សេងទៀត ដែលពួកគេមានអំពីអ្នកដែលបានមកពីប្រភពផ្សេងៗទៀត។ យើងមិន ចាំបាច់មានសិទ្ធិអាក់សេស ឬគ្រប់គ្រងលើខូឃីដែលពួគគេប្រើនោះទេ។
អ្នកមានសិទ្ធិជ្រើសរើសបិទ ទប់ស្កាត់ ឬបិទខូឃី សូមចំណាំថាការបដិសេធ ឬការដកខូឃីមួយចំនួនចេញអាចប៉ះពេល់ដល់ភាព ដែលមានមុខងារ ឬការប្រើប្រាស់នៃគេហទំព័រ សេវាកម្ម ឬកម្មវិធីរបស់យើង។
អ្នកអាចកែតម្រូវការកំណត់កម្មវិធីរុករកតាមអ៊ិនធឺណិតរបស់អ្នកដើម្បីបិទ ទប់ស្កាត់ ឬធ្វើឱ្យខូឃីអសកម្ម លុបប្រវត្តិរុករករបស់អ្នក ឬសម្អាតទិន្នន័យចេញពីកម្មវិធីរុករកអ៊ីនធឺណិតរបស់អ្នក។ ការកំណត់ (setting) អាចមាននៅក្នុងផ្នែក “ប្រវត្តិ” “ចំណូលចិត្ត” “ការកំណត់” ឬ “ឯកជនភាព” នៃកម្មវិធីរុករកអ៊ីនធឺណិតរបស់អ្នក ឬអ្នកអាចពិគ្រោះជាមួយផ្នែកជំនួយនៃកម្មវិធីរុករក អ៊ីនធឺណិតរបស់អ្នកសម្រាប់ព័ត៌មានបន្ថែម។ អ្នកក៏អាចកែសម្រួលការកំណត់ ខូឃីរបស់អ្នកនៅទីនេះ
យើងអាចជួយសម្រួលដល់ការបង្ហាញការផ្សាយពាណិជ្ជកម្មដែលមានគោលដៅនៅលើវេទិកាផ្សេងៗទៀត ដូចជានៅលើវេទិកា អនឡាញផ្សេងៗទៀត ដែលអ្នកប្រហែលជាអ្នកប្រើប្រាស់។
អ្នកអាចធ្វើការកម្រិតការប្រើប្រាស់របស់យើងនៅលើទិន្នន័យបុគ្គលរបស់អ្នក ដើម្បីបង្ហាញការផ្សាយពាណិជ្ជកម្មដែលមាន គោលដៅក្នុងនាមអ្នកផ្សាយពាណិជ្ជកម្មរបស់យើង ដោយកែសម្រួលចំណូលចិត្តរបស់អ្នកតាមរយៈកម្មវិធី Grab App របស់ យើង។ ដោយអាស្រ័យលើប្រភេទទូរសព្ទ និងកម្មវិធីសូហ្វវែរប្រតិបត្តិការ ដែលអ្នកកំពុងប្រើ អ្នកអាចទទួលបានជម្រើស ដើម្បីបិទការប្រើប្រាស់ឧបករណ៍កំណត់អត្តសញ្ញាណចល័តរបស់យើង (ដូចជា កម្មវិធី IDFA របស់ Apple ឬកម្មវិធី GAID របស់ Google) ហើយសមត្ថភាពក្នុងការតាមដានអ្នកនៅលើកម្មវិធី និងគេហទំព័រដែលជាកម្មសិទ្ធិរបស់ក្រុមហ៊ុនដទៃផ្សេងៗ ដោយកែតម្រូវការកំណត់ដែលមាននៅលើទូរសព្ទដៃរបស់អ្នក។ តាមរយៈការកែតម្រូវការកំណត់នៅលើឧបករណ៍របស់អ្នកជា ធម្មតាអ្នកអាចកំណត់ឡើងវិញ លុប កម្រិត និង/ឬ រឹតត្បិតការប្រើប្រាស់ឧបករណ៍កំណត់អត្តសញ្ញាណចល័តនោះ។
ទោះបីជាយើងនឹងមិនប្រើប្រាស់ទិន្នន័យបុគ្គលរបស់អ្នកដើម្បីបង្ហាញអ្នកនូវការផ្សាយពាណិជ្ជកម្ម ដែលមានគោលដៅបែបនោះ នៅលើវេទិកាផ្សេងៗទៀតក៏ដោយ អ្នកនៅតែអាចឃើញការផ្សាយពាណិជ្ជកម្មទូទៅដែលលេចឡើងទាក់ទងនឹងអ្នក។ ករណីនេះ ប្រហែលដោយសារតែយើងបានភ្ជាប់អ្នកផ្សាយពាណិជ្ជកម្ម/វេទិកាតតិយជន ឱ្យតាំងបង្ហាញការផ្សាយពាណិជ្ជកម្មដល់ អ្នកប្រើប្រាស់នៃលក្ខណមុខងារជាក់លាក់ ឬការបន្ថែមប្រជាសាស្ដ្រ អ្នកដែលអាចរកឃើញថាពួកគេពាក់ព័ន្ធ។ អ្នកអាចកម្រិត ការមើលការផ្សាយពាណិជ្ជកម្មទាំងនោះតាមរយៈការគ្រប់គ្រងចំណូលចិត្តរបស់អ្នកនៅលើវេទិកាទាំងនេះ។
យើងនឹងចាត់វិធានការតាមផ្លូវច្បាប់ រូបវន្ដ ក្រុមហ៊ុន និងបច្ចេកទេសដែលសមហេតុផល ដើម្បីធានាថាទិន្នន័យបុគ្គលរបស់ អ្នកត្រូវបានការពារ។ នេះរួមបញ្ចូលទាំងវិធានការដើម្បីការពារទិន្នន័យបុគ្គលពីការបាត់បង់ ឬ ការប្រើប្រាស់ ឬ ការអាក់សេស ដែលគ្មានសិទ្ធិ។ យើងកម្រិតការអាក់សេសនៅ ក្នុងទិន្នន័យបុគ្គលរបស់អ្នកចំពោះ និយោជិតរបស់យើងនៅលើមូលដ្ឋាននៃ តម្រូវការដើម្បីដឹង (need to know basis)។ អ្នកធ្វើប្រព្រឹត្តកម្មទិន្នន័យបុគ្គលរបស់នឹងធ្វើនៅក្នុងលក្ខណដែល មានការអនុញ្ញាតតែប៉ុណ្ណោះ ហើយតម្រូវឱ្យប្រព្រឹត្តិចំពោះព័ត៌មានរបស់អ្នកជាការសម្ងាត់។
ទោះជាយ៉ាងណាក៏ដោយ សូមមេត្តាជ្រាបថា ការបញ្ចូនព័ត៌មានតាមអ៊ីនធឺណិតមិនមានសុវត្ថិភាពទាំងស្រុងទេ។ យើងមិនអាច ធានាសុវត្ថិភាពនៃទិន្នន័យបុគ្គលរបស់អ្នកដែលបានបញ្ចូនតាមរយៈមធ្យោបាយអនឡាញណាមួយឡើយ ទោះបីជាយើងប្រឹង ប្រែងឱ្យអស់ពីសមត្ថភាពដើម្បីការពារទិន្នន័យបុគ្គលរបស់អ្នកក៏ដោយ ដូច្នេះការបញ្ចូនទិន្នន័យបុគ្គលណាមួយនោះ អ្នកត្រូវ ទទួលខុសត្រូវចំពោះហានិភ័យនោះដោយខ្លួនឯង។
ស្របតាមច្បាប់ និងលិខិតបទដ្ឋានគតិយុត្តជាធរមាន អ្នកអាចមានសិទ្ធិចំពោះ៖
ប្រសិនបើអ្នកត្រូវបានផ្តល់ជម្រើសក្នុងការចែករំលែកទិន្នន័យបុគ្គលរបស់អ្នកជាមួយយើង ហើយអ្នកជ្រើសរើសមិនប្រើ ឬ ដកការយល់ព្រមរបស់អ្នកនៅពេលក្រោយមកសម្រាប់ការប្រើប្រាស់របស់យើងលើទិន្នន័យបុគ្គល នេះអាចមានន័យថាយើងមិន អាចអនុវត្តសកម្មភាពចាំបាច់ ដើម្បីសម្រេចបាននូវគោលបំណងនៃដំណើរការដែលបានពិពណ៌នានៅក្នុងផ្នែកទី II (ការប្រើប្រាស់ទិន្នន័យបុគ្គល) ឬ ក៏ថា អ្នកមិនអាចប្រើប្រាស់កម្មវិធី ឬ សេវាកម្មបានទេនៅក្នុងករណីនោះ។
យើងប្រហែលជាអាចបន្ដធ្វើប្រព្រឹត្តកម្មលើទិន្នន័យបុគ្គលរបស់អ្នកស្រប តាមលក្ខខណ្ឌតម្រូវ ឬ តាមការអនុញ្ញាតដោយច្បាប់ និងលិខិតបទដ្ឋានគតិយុត្តជាធរមាន។
យើងនឹងត្រួតពិនិត្យ និងផ្ទៀងផ្ទាត់សំណើទាំងអស់។ ដើម្បីផ្ទៀងផ្ទាត់សិទ្ធិរបស់អ្នកក្នុងការស្នើសុំ យើងអាចតម្រូវឱ្យ អ្នកផ្ដល់ព័ត៌មានជំនួយ ឬ ឯកសារដើម្បីបញ្ជាក់សំណើ។ នៅពេលដែលបានផ្ទៀតផ្ទាត់ យើងនឹងផ្ដល់សុពលភាពដល់សំណើ របស់អ្នកនៅក្នុងអំឡុងពេលដែលកំណត់ដោយច្បាប់ជាធរមាន។
ហ្គ្រេប អាចកែប្រែ ធ្វើបច្ចុប្បន្ន ឬវិសោធនកម្មលក្ខខណ្ឌនៅក្នុងសេចក្ដីជូនដំណឹងស្ដីពីឯកជនភាពនេះគ្រប់ពេល។ ការធ្វើ វិសោធនកម្មត្រូវជូនដំណឹងដល់អ្នកតាមរយៈកម្មវិធី និង/ឬ មធ្យោបាយសមស្របផ្សេងៗទៀតយ៉ាងហោចណាស់ប្រាំ (៥) ថ្ងៃនៃ ធ្វើធ្វើការមុនកាលបរិច្ឆេទមានប្រសិទ្ធភាព។ កំណែដែលបានធ្វើបច្ចុប្បន្នភាពនឹងត្រូវបានបង្ហោះនៅលើគេហទំព័រ https://www.grab.com. ។ អ្នកមានទំនួលខុសត្រូវក្នុងការត្រួតពិនិត្យការជូនដំណឹងស្ដីពីឯកជនភាពជាប្រចាំ។ ការបន្ដ ប្រើប្រាស់កម្មវិធី គេហទំព័រ ឬសេវាកម្មផ្សេងរបស់អ្នក ទិញផលិតផលពី ហ្គ្រេប ឬបន្ដទំនាក់ទំនង ឬចូលរួមជាមួយ ហ្គ្រេប បន្ទាប់ពីកែប្រែ ការធ្វើបច្ចុប្បន្នភាព ឬវិសោធនកម្មលើសេចក្ដីជូនដំណឹងនេះ ដោយមិនពិចារណាថា អ្នកបាន ឬមិនបានពិនិត្យ ឬអត់នោះទេ គឺត្រូវបង្កើតជាកិច្ចព្រមព្រៀងរបស់អ្នកដែលត្រូវបានកាតព្វកិច្ចចំពោះការធ្វើវិសោធនកម្មនោះ។
ប្រសិនបើអ្នកមានសំណួរណាមួយអំពីសេក្ដីជូនដំណឹងនេះ ឬ ចង់អនុវត្តសិទ្ធិរបស់អ្នកដែលមានចែងក្នុងសេចក្ដីជូនដំណឹងនេះ សូមបំពេញទម្រង់ខាងក្រោម ឬ ផ្ញើសំបុត្ររបស់អ្នកទៅកាន់មន្ដ្រីទទួលបន្ទុកកិច្ចការពារទិន្នន័យរបស់យើង។
សម្រាប់អ្នកប្រើប្រាស់ក្នុងប្រភេទហ្វីលីពីន
ឈ្មោះ៖ MyTaxi PH Inc (គោរពជូន៖ ការិយាល័យកិច្ចការឯកជនភាពរបស់ហ្គ្រេប (Grab Privacy Office))
អាស័យដ្ឋាន៖ អគារ Exquadra Tower ជាន់ទី ២៧ និង ២៨ ឡូតិ៍លេខ ១A ផ្លូវ Exchange Road កែងផ្លូវ Jade ខណ្ឌ Ortigas Center Pasig City ប្រទេសហ្វីលីពីន
សម្រាប់អ្នកប្រើប្រាស់ក្នុងប្រទេសថៃ
ឈ្មោះ៖ Grabtaxi (Thailand) Co., Ltd. (គោរពជូន៖ ការិយាល័យកិច្ចការឯកជនភាពរបស់ហ្គ្រេប (Grab Privacy Office))
អាសយដ្ឋាន៖ អគារ 252 SPE Tower ជាន់ទី ១០ ផ្លូវ Phahonyothin សង្កាត់ Samsen Nai ខណ្ឌ Phaya Thai ក្រុងបាងកក 10400 ប្រទេសថៃ
សម្រាប់អ្នកប្រើប្រាស់ក្នុងប្រទេសវៀតណាម
ឈ្មោះ៖ Grab Company Limited (គោរពជូន៖ ការិយាល័យកិច្ចការឯកជនភាពរបស់ហ្គ្រេប (Grab Privacy Office))
អាសយដ្ឋាន៖ អគារ Mapletree Business Centre, 1060 Nguyen Van Linh, Tan Phong Ward, ស្រុកលេខ ៧ ក្រុងហូជីមិញ ប្រទេសវៀតណាម
សម្រាប់អ្នកប្រើប្រាស់ក្នុងប្រទេសផ្សេងៗទៀត
ឈ្មោះ៖ “សូមយកចិត្តទុកដាក់ “c/o”” Grab Holdings Limited (គោរពជូន៖ ការិយាល័យកិច្ចការឯកជនភាពរបស់ហ្គ្រេប (Grab Privacy Office))
អាសយដ្ឋាន៖ 3 Media Close, Singapore 138498
ដើម្បីឱ្យយើងឆ្លើយសំណួររបស់អ្នកឱ្យបានឆាប់រហ័ស យើងណែនាំថា សំណួរផ្សេងៗគប្បីធ្វើឡើងតាមទម្រង់អនឡាញ។
ច្បាប់ដើមនៃសេចក្ដីជូនដំណឹងនេះសរសេរឡើងជាភាសាអង់គ្លេស។ នៅក្នុងករណីដែលមានវិវាទមិនស្របគ្នារវាងកំណែ ភាសាអង់គ្លេស និងភាសាផ្សេងៗទៀត កំណែជាភាសាអង់គ្លេសត្រូវមានឧត្តមានុភាព។
វក្យស័ព្ទដលសរសេរជាអក្សរធំទាំងអស់ ប៉ុន្ដែមិនបានកំណត់នៅក្នុងផ្នែកនេះ ត្រូវមានអត្ថន័យដូចគ្នាទៅនឹងលក្ខខណ្ឌនៃ ការប្រើប្រាស់ និងសេចក្ដីជូនដំណឹងស្ដីពីឯកជនភាពរបស់ហ្គ្រេបដូចគ្នា។
សេចក្ដីបំពេញបន្ថែមនេះបង្កើតជាផ្នែកនៃសេចក្ដីជូនដំណឹងស្ដីពីឯកជនភាពរបស់ ហ្គ្រេប ។ ក្នុងករណីដែលមានភាពមិន ស៊ីសង្វាក់គ្នារវាងការជូនដំណឹងស្ដីពីឯកជនភាពរបស់ ហ្គ្រេប និងសេចក្ដីបំពេញបន្ថែមនេះ សេចក្ដីបំពេញបន្ថែមនេះត្រូវមាន ឧត្តមានុភាព។
Grab for Business ផ្ដល់នូវមុខងារបន្ថែម (add-on features) សម្រាប់នីតិបុគ្គលផ្សេងៗ (“អតិថិជន”) ដើម្បីជួយ សម្រួលដល់ការចេញវិក្កយបត្រសាជីវកម្មសម្រាប់អ្នកប្រើប្រាស់ដែលមានសិទ្ធិរបស់ខ្លួន (ឧទាហរណ៍ និយោជិត) សម្រាប់ ការប្រើប្រាស់សេវាកម្មផ្សេងៗរបស់ ហ្គ្រេប ក្នុងអំឡុងពេលការងារ។
នៅពេលដែលអតិថិជនជ្រើសរើសប្រើប្រាស់ Grab for Business អ្នកប្រើប្រាស់ដែលមានសិទ្ធិមានជម្រើសក្នុងការភ្ជាប់ ការធ្វើដំណើរ ឬ ប្រតិបត្តិការផ្សេងៗទៀតរបស់គាត់/នាងទៅអតិថិជនបាន ឬ ធ្វើការភ្ជាប់ប្រតិបត្តិការនោះជា ការធ្វើដំណើរផ្ទាល់ ខ្លួនក៏បាន។ ជាផ្នែកនៃមុខងារនេះ ហ្គ្រេប នឹងលាតត្រដាងព័ត៌មានលម្អិតអំពីការធ្វើដំណើរ និងការកក់ (booking) ដែល អ្នកប្រើប្រាស់ដែលមានសិទ្ធិបានភ្ជាប់សម្រាប់ប្រើប្រាស់ក្នុងគោលបំណងអាជីវកម្មផ្សេងៗទៅកាន់អតិថិជន។ ក្រៅពីនេះ ហ្គ្រេប មិនលាតត្រដាងទិន្នន័យបុគ្គលរបស់អ្នកប្រើប្រាស់ដែលមានសិទ្ធិទៅកាន់អតិថិជនឡើយ។
ម្យ៉ាងទៀត អ្នកប្រើប្រាស់ (រូបវន្ដបុគ្គល) អាចជ្រើសរើសក្នុងការបង្កើតប្រូហ្វាលបែបអាជីវកម្មនៅក្នុងកម្មវិធី (App) ដើម្បីជួយ សម្រួលដល់ការភ្ជាប់ការធ្វើដំណើរដែលទាក់ទងនឹងអាជីវកម្ម និងដើម្បីបង្កើតរបាយការណ៍ធ្វើដំណើររួម ដើម្បីជួយសម្រួលដល់ ការបញ្ជូន (submission) នៃការទាមទាររបស់និយោជករបស់គាត់/នាង។ នៅពេលប្រើវិធីនេះ ដំណើរការទាមទារគឺត្រូវបាន ផ្ដួចផ្ដើម/ជំរុញដោយអ្នកប្រើប្រាស់ (user-driven) ហើយនិយោជករបស់អ្នកប្រើប្រាស់មិនចាំបាច់ជាអតិថិជននោះទេ។
ដើម្បីភាពងាយស្រួលនៃសេចក្ដីយោង អ្នកប្រើប្រាស់ដែលមានសិទ្ធិ និងអ្នកប្រើប្រាស់ជារូបវន្ដបុគ្គលម្នាក់ៗនឹងត្រូវហៅថា “អ្នកប្រើប្រាស់” ហើយរួមគ្នាហៅថា “អ្នកប្រើប្រាស់ផ្សេងៗ” នៅក្នុងសេចក្ដីបំពេញបន្ថែមនេះ។
ចំពោះអ្នកប្រើប្រាស់ណាមួយ និងការធ្វើប្រព្រឹត្តកម្មទិន្នន័យបុគ្គលរបស់ពួកគេ ហ្គ្រេប ដើរតួជាអ្នកគ្រប់គ្រងទិន្នន័យ។ សម្រាប់ព័ត៌មានបន្ថែមអំពីវិធីដែល ហ្គ្រេប ប្រមូល ប្រើប្រាស់ និងលាតត្រដាងទិន្នន័យបុគ្គលរបស់អ្នកប្រើប្រាស់ សូមមើល សេចក្ដីជូនដំណឹងស្ដីពីឯកជនភាពរបស់ហ្គ្រេប។
ដោយសារដំណើរការរបស់ Grab for Business ហ្គ្រេប មិនធ្វើប្រព្រឹត្តកម្មទិន្នន័យបុគ្គលណាមួយសម្រាប់ និងក្នុងនាម អតិថិជនឡើយ។ ដូច្នេះហើយ ហ្គ្រេប មិនមែនជាអ្នកធ្វើប្រព្រឹត្តកម្មទិន្នន័យរបស់អតិថិជនទេ ប៉ុន្ដែគឺជា អ្នកគ្រប់គ្រង ទិន្នន័យឯករាជ្យមួយ ដែលទាក់ទងនឹងទិន្នន័យបុគ្គលទាំងអស់ដែលទិន្នន័យនោះធ្វើប្រព្រឹត្តកម្មនៅក្នុងការផ្ដល់មុខងារ Grab for Business។ ដូចគ្នាដែរ អតិថិជនគឺជាអ្នកគ្រប់គ្រងទិន្នន័យឯករាជ្យមួយនៃទិន្នន័យបុគ្គល ដែលទិន្នន័យនោះធ្វើប្រព្រឹត្តកម្ម និង/ឬ ទទួលមកពី ហ្គ្រេប។
ក្នុងនាមជាអ្នកគ្រប់គ្រងទិន្នន័យ ហ្គ្រេប និងអតិថិជនកំណត់រៀងៗខ្លួននូវគោលបំណង និងមធ្យោបាយនៃការធ្វើប្រព្រឹត្តកម្ម ទិន្នន័យបុគ្គល ដោយអនុលោមតាមបញ្ញត្តិដែលមានចែងនៅក្នុងលក្ខខណ្ឌនៃការប្រើប្រាស់ និងសេចក្ដីជូនដំណឹងស្ដីពីឯកជន ភាពនេះ។ ហ្គ្រេប និងអតិថិជនក៏មានការទទួលខុសត្រូវរៀងៗខ្លួនផងដែរ ដើម្បីធានាការការពារទិន្នន័យបុគ្គលនៅក្រោម ការចោទប្រកាន់របស់ពួកគេ។
ដើម្បីផ្ដល់មុខងារ Grab for Business អ្នកប្រើប្រាស់ ឬអតិថិជននឹងត្រូវបានតម្រូវឱ្យផ្ដល់ព័ត៌មានខាងក្រោមស្ដីពី អ្នកប្រើប្រាស់ឱ្យ ហ្គ្រេប៖
ហ្គ្រេប នឹងប្រើប្រាស់ព័ត៌មាននេះសម្រាប់គោលបំណងផ្សេងៗដើម្បី៖
នៅពេលធ្វើដំណើរការទទួលអ្នកប្រើប្រាស់ម្នាក់ទៅកាន់កម្មវិធី ហ្គ្រេប នឹងធ្វើប្រព្រឹត្តកម្មទិន្នន័យបុគ្គលរបស់អ្នកប្រើប្រាស់ស្រប តាមសេចក្ដីជូនដំណឹងស្ដីពីឯកជនភាព និងសេចក្ដីបំពេញបន្ថែមនេះ។
ហ្គ្រេប នឹងលាតត្រដាងព័ត៌មានដែលពាក់ព័ន្ធនឹងការធ្វើដំណើរ និងការកក់តាមការកំណត់របស់ ហ្គ្រេប ពីពេលមួយទៅពេលមួយ ទៅអតិថិជនដើម្បីសម្រួលដល់ការចេញវិក្កយបត្រសាជីវកម្ម។
អាស្រ័យលើការការកំណត់ប្រូហ្វាលសាជីវកម្មដែលបានជ្រើសរើសដោយប្រើប្រាស់រូបវន្ដបុគ្គល អ្នកប្រើប្រាស់អាចទាញយក និង បង្កើតរបាយការណ៍ដែលមានព័ត៌មានអំពីការធ្វើដំណើរ និងព័ត៌មានកក់ដែលពាក់ព័ន្ធរបស់គាត់/នាង។
អតិថិជន និង ហ្គ្រេប ម្នាក់ត្រូវ៖
សេចក្ដីថ្លែងការណ៍ឯកជនភាពនេះ (“សេចក្ដីថ្លែងការណ៍”) រៀបរាប់អំពីរបៀបដែល ហ្គ្រេប ប្រមូល ប្រើប្រាស់ ធ្វើប្រព្រឹត្តកម្ម និង លាតត្រដាងទិន្នន័យតាមរយៈការប្រើប្រាស់ GrabDefence និងសេវាកម្មពាក់ព័ន្ធផ្សេងៗរបស់សេវាកម្មនេះ (“GrabDefence”)។
ហ្គ្រេប ផ្ដល់ជូនអតិថិជនរបស់ខ្លួន (“អតិថិជន GD”) ជាមួយនឹងសេវាកម្ម GrabDefence ដែលជួយការពារ តាមដាន និងប្រយុទ្ធប្រឆាំងនឹងការក្លែងបន្លំ ឬសកម្មភាពមិនមានសុវត្ថិភាពនៅលើវេទិកា និងកម្មវិធីរបស់ពួកគេ (ដូចជា កម្មវិធីតាម អ៊ីនធឺណិត និងកម្មវិធីទូរសព្ទដែលផ្អែកលើវេទិកាពាណិជ្ជកម្មអេឡិចត្រូនិក) (“វេទិកាឌីជីថល”)។ អតិថិជន GD នឹងធ្វើ ការដាក់បញ្ចូល GrabDefence ទៅក្នុវេទិកាឌីជីថលរបស់ពួកគេ ដើម្បីកំណត់អត្តសញ្ញាណសកម្មភាពក្លែងបន្លំ ដែលមាន សក្ដានុពលនៅលើវេទិកាឌីជីថលរបស់ពួគគេ។
សេចក្ដីថ្លែងការណ៍នេះអនុវត្តចំពោះអ្នកប្រើប្រាស់វេទិកាឌីជីថលរបស់អតិថិជន GD (“អ្នក”) ហើយពាក់ព័ន្ធយ៉ាងតឹងរឹងទៅនឹង ទិន្នន័យដែលបានប្រមូល ប្រើប្រាស់ និងលាតត្រដាងក្នុងនាមអតិថិជន GD សម្រាប់គោលបំណងផ្ដល់ GrabDefence ។ សូមយោងទៅលើលក្ខខណ្ឌនៃសេវាកម្ម និង/ឬសេចក្ដីជូនដំណឹងស្ដីពីឯកជនភាពជាធរមាននៃអតិថិជន GD ដើម្បីយល់ពីរបៀប ដែលពួកគេប្រមូល ប្រើប្រាស់ និងលាតត្រដាងទិន្នន័យរបស់អ្នក។
ដើម្បីផ្ដល់ GrabDefence ទៅអតិថិជន GD ព័ត៌មានពីឧបករណ៍របស់អ្នក និងព័ត៌មានទាក់ទងនឹងការប្រើប្រាស់កម្មវិធី ឌីជីថល របស់អតិថិជន GD នឹងត្រូវបានប្រមូលពីអតិថិជន GD។ ព័ត៌មានទាំងនោះរួមមានព័ត៌មានអំពីអត្តសញ្ញាណឧបរណ៍ (ដូចជា IMEI លេខសម្គាល់ Android អាសយដ្ឋាន MAC ។ល។) ក៏ដូចជា ទិន្នន័យក្នុងបរិបទជាក់ស្ដែងដែលទាក់ទង នឹងការប្រើប្រាស់របស់អ្នកលើវេទិកាឌីជីថលរបស់អតិថិជន GD (ដូចជាអាសយដ្ឋាន IP អាសយដ្ឋាន Wifi ទិន្នន័យទីតាំង GPS អាសយដ្ឋានព័ត៌មានលម្អិតអំពីការទូទាត់ជាដើម)។ ព័ត៌មានទាំងនោះត្រូវបានប្រមូលដោយអតិថិជន GD នៅពេលអ្នកធ្វើ អន្ដរកម្មជាមួយវេទិកាឌីជីថលរបស់អតិថិជន GD ដោយអនុលោមតាមលក្ខខណ្ឌនៃសេវាកម្មរបស់អតិថិជន GD និង/ឬ ការជូនដំណឹងស្ដីពីឯកជនភាព។
យើងអាចរួមបញ្ចូលគ្នានូវព័ត៌មានដែលយើងបានប្រមូលពីអតិថិជន GD ជាមួយនឹងចំណុចទិន្នន័យពីប្រព័ន្ធអេកូរបស់ ហ្គ្រេប ដើម្បីទាញយកការយល់ដឹងដែលពាក់ព័ន្ធ (ឧទាហរណ៍ ការយល់ដឹងអំពី ថាតើមានសញ្ញានៃការកែប្រែកម្មវិធី ការគ្រប់គ្រង ទិន្នន័យ ការរំខានឧបករណ៍ ការក្លែងបន្លំ GPS)។ យើងមិនព្យាយាមកំណត់អត្តសញ្ញាណអ្នកដោយខ្លួនឯងដោយផ្អែកលើ ព័ត៌មានខាងលើដើម្បីផ្ដល់ GrabDefence ដល់អតិថិជន GD នោះទេ។
ជាទូទៅ យើងធ្វើប្រព្រឹត្តកម្មព័ត៌មានរបស់អ្នកក្នុងនាមអតិថិជន GD ដើម្បីជួយដល់កិច្ចខិតខំប្រឹងប្រែងស្វែងរកការក្លែងបន្លំ របស់ពួកគេ។ វាអាស្រ័យលើការសម្រេចចិត្តរបស់អតិថិជន GD ដើម្បីអនុវត្តលទ្ធផលដែលទទួលបានពីការប្រើប្រាស់ GrabDefence នៅលើវេទិកាឌីជីថលរបស់ពួកគេ។
ក្នុងន័យនេះ យើងអាចប្រើប្រាស់ រួមបញ្ចូលគ្នា និងធ្វើប្រព្រឹត្តកម្មព័ត៌មានរបស់អ្នកសម្រាប់គោលបំណងខាងក្រោម (“គោលបំណង”)
សូមប្រាកដថា ព័ត៌មានដែលប្រមូលបាននឹងមិនត្រូវបានប្រើប្រាស់ដោយ ហ្គ្រេប សម្រាប់ការធ្វើកិច្ចការផ្នែកទីផ្សារណាមួយ ឬ រួមបញ្ចូលជាមួយសំណុំទិន្នន័យផ្សេងៗទៀត ដែល ហ្គ្រេប មានក្នុងលក្ខណដែលធ្វើឱ្យអ្នកមានការរើសអើងដោយអយុត្តិធម៌។
យើងប្រហែលជាត្រូវចែករំលែកព័ត៌មានជាមួយភាគីផ្សេងៗសម្រាប់គោលបំណងផ្សេងៗ។ ភាគីផ្សេងៗទាំងនោះរួមមាន៖
លើកលែងតែមសម្រាប់ភាគីដែលបានរៀបរាប់ខាងលើ យើងនឹងមិនលាតត្រដាងព័ត៌មានរបស់អ្នកទៅភាគីតតិយជនណាមួយ ផ្សេងៗទៀតឡើយ។
ដោយស្របតាមច្បាប់ស្ដីពីឯកជនភាពជាធរមាន និងក្នុងវិសាលភាពដែលព័ត៌មានប្រមូលបានដោយអនុលោមតាមការប្រើប្រាស់ GrabDefence អាចបង្កើតជាទិន្នន័យបុគ្គល អ្នកអាចមានសិទ្ធិចូលប្រើ ឬធ្វើបច្ចុប្បន្នភាពទិន្នន័យបុគ្គលរបស់អ្នក។ ដោយសារ ការធ្វើប្រព្រឹត្តកម្មរបស់ GrabDefence លើទិន្នន័យបុគ្គលរបស់អ្នកត្រូវបានផ្អែកលើការប្រើប្រាស់ GrabDefence របស់អតិថិជន GD នៅពេលអ្នកប្រើវេទិកាឌីជីថលរបស់ពួកគេ ប្រសិនបើអ្នកចង់អនុវត្តសិទ្ធិរបស់អ្នក យើងសូមណែនាំឱ្យ អ្នកទាក់ទងដោយផ្ទាល់ទៅកាន់ប្រតិបត្តិករនៃវេទិកាឌីជីថល ដែលអ្នកកំពុងប្រើប្រាស់ដើម្បីទទួលបានព័ត៌មានបន្ថែមអំពីរបៀប ដែលព័ត៌មានរបស់អ្នកត្រូវបានប្រើ និងធ្វើប្រព្រឹត្តកម្ម ហើយដើម្បីអនុវត្តសិទ្ធិរបស់អ្នកលើទិន្នន័យបុគ្គលរបស់អ្នក។
យើងរក្សទុកព័ត៌មានរបស់អ្នក ដរាបណាយើងនៅមានគោលបំណងអាជីវកម្ម (ឧទាហរណ៍ GradDefence និងដើម្បីបំពេញ គោលបំណងផ្សេងៗ) ឬគោលបំណងស្របច្បាប់ក្នុងការធ្វើដូច្នេះ។ នៅពេលដែលគោលបំណងទាំងនេះត្រូវបានបំពេញយើង ចាត់វិធានការដើម្បីបំផ្លាញ ឬធ្វើអនាមិកព័ត៌មានរបស់អ្នក។
ព័ត៌មានរបស់អ្នកអាចត្រូវបានផ្ទេរពីប្រទេស រដ្ខ និងទីក្រុង (“ប្រភេទដើម”) ដែលអ្នកមានវត្ដមានខណៈពេលកំពុងប្រើប្រាស់ វេទិកាឌីជីថលរបស់អតិថិជន GD ទៅប្រទេស រដ្ឋ និងទីក្រុងផ្សេងទៀត (“ប្រទេសផ្សេង”)។
យើងនឹងចាត់វិធានការផ្លូវច្បាប់ បែបអង្គភាព និងបច្ចេកទេសសមហេតុផល ដើម្បីធានាថាព័ត៌មានរបស់អ្នកត្រូវបានការពារ។ វិធានការនេះរួមមានទាំងវិធានការដើម្បីការពារទិន្នន័យពីការបាត់បង់ ឬ ប្រើប្រាស់ ឬ អាក់សេសក្នុងរបៀបដែលគ្មានសិទ្ធិ។ យើង កម្រិតការអាក់សេសទៅព័ត៌មានរបស់អ្នក ចំពោះនិយោជិតរបស់យើង ដោយផ្អែកលើមូលដ្ឋាននៃតម្រូវការដើម្បីដឹង (need to know basis)។ អ្នកដែលធ្វើប្រព្រឹត្តកម្មទិន្នន័យរបស់អ្នកនឹងអាចធ្វើបាននៅក្នុងលក្ខណដែលទទួលបានសិទ្ធិ ហើយត្រូវបាន តម្រូវឱ្យប្រព្រឹត្តចំពោះព័ត៌មានរបស់អ្នកជាការសម្ងាត់។
យ៉ាងណាក៏ដោយ សូមមេត្តាយល់ដឹងថា ការបញ្ជូលព័ត៌មានតាមអ៊ីនធឺណិតមិនមានសុវត្ថិភាពទាំងស្រុងនោះទេ។ ទោះបីជា យើងនឹងប្រឹងប្រែងឱ្យអស់ពីសមត្ថភាពដើម្បីការពារព័ត៌មានរបស់អ្នកក៏ដោយ ក៏យើងមិនអាចធានាសុវត្ថិភាពនៃព័ត៌មានរបស់ អ្នកដែលបានបញ្ជូនតាមរយៈមធ្យោបាយអនឡាញណាមួយឡើយ ដូច្នេះអ្នកនៅតែត្រូវទទួលខុសត្រូវចំពោះហានិភ័យចំពោះ ការបញ្ជូនព័ត៌មានដោយផ្ទាល់ខ្លួនឯង។
ហ្គ្រេប មានសិទ្ធិកែប្រែ ធ្វើបច្ចុប្បន្នភាព ឬកែប្រែលក្ខខណ្ឌនៃសេចក្ដីថ្លែងការណ៍នេះនៅគ្រប់ពេល ដោយដាក់សេចក្ដីថ្លែងការណ៍ ដែលបានធ្វើបច្ចុប្បន្នភាពនៅលើគេហទំព័ររបស់ខ្លួន។
ប្រសិនបើអ្នកមានសំណួរណាមួយអំពីរបៀបដែលទិន្នន័យរបស់អ្នកត្រូវបានប្រើប្រាស់ សូមទាក់ទងទៅកាន់អតិថិជន GD ដែល អ្នកអាចត្រូវបានចុះឈ្មោះជាមួយអ្នកប្រើប្រាស់។ ប្រសិនបើអ្នកមានសំណួរផ្សេងៗទៀតទាក់ទងនឹង GrabDefence សូមទាក់ទងមន្ដ្រីឯកជនភាពទិន្នន័យរបស់យើងតាមរយៈទម្រងដែលមានចែងក្នុងសេចក្ដីសេចក្ដីជូនដំណឹងស្ដីពីឯកជនភាព របស់ ហ្គ្រេប ។