ក្រមសីលធម៌របស់ដៃគូអ្នកបើកបរ

រក្សាឯកសារបេីកបរដែលត្រឹមត្រូវ ដើម្បីបើកបរបាន

អ្នកត្រូវតែមានប័ណ្ណបើកបរនិងវិជ្ជាជីវៈថ្នាក់ជាតិដែលមានសុពលភាពនៅជាប់គ្រប់ពេលវេលានិងលិខិតអនុញ្ញាតផ្សេងៗទៀតដែលអាចនឹងតម្រូវដោយអាជ្ញាធរពាក់ព័ន្ធ។ អ្នកនិងយានយន្តរបស់អ្នកក៏ត្រូវតែភ្ជាប់ជាមួយនឹងការធានារ៉ាប់រងដែលមានសុពលភាពដូចមានចែងក្នុងបទប្បញ្ញត្តិក្នុងតំបន់។ ត្រូវស្មោះត្រង់អំពីកំណត់ត្រាព្រហ្មទណ្ឌរបស់អ្នក។ វាជាទំនួលខុសត្រូវរបស់អ្នកក្នុងការធ្វើបច្ចុប្បន្នភាពនិងដាក់ស្នើរឯកសាររបស់អ្នកឡើងវិញនៅពេលដែលឯកសាររបស់អ្នកផុតកំណត់ ប្រសិនបើឯកសាររបស់អ្នកត្រូវបានដកហូត ឬនៅពេលមានការស្នើសុំដោយ Grab ។

ឧទាហរណ៍នៃការរំលោភបំពាន

• ការបើកបរដោយគ្មានការធានារ៉ាប់រងដែលមានសុពលភាព ឬប័ណ្ណបើកបរឬលិខិតអនុញ្ញាតផ្សេងៗទៀតដែលអាចនឹងតម្រូវដោយអាជ្ញាធរពាក់ព័ន្ធ
• ការប្រកាសមិនពិតអំពីកំណត់ត្រាព្រហ្មទណ្ឌ
• ការប្រើប្រាស់ឯកសារមិនពិតដើម្បីចុះឈ្មោះជាដៃគូបើកបរ

ការបៀតបៀន និងរំលោភបំពានដោយប្រការណាមួយ នឹងមិនត្រូវបានទទួលការលេីកលែងឡេីយ។

ចេតនាខាងក្រោមនេះគឺត្រូវបានហាមប្រាមនៅក្នុងគោលការណ៍របស់ Grab៖ រាល់ការប៉ុនប៉ង ឬការវាយប្រហាររាងកាយដោយជាក់ស្តែង ការបៀតបៀនតាមរយៈពាក្យសម្តី ឬប៉ះពាល់រាងកាយក្នុងរូបភាពបំពានផ្លូវភេទ ការចាប់រំលោភសេពសន្ថវៈ ការសម្លាប់ ការចាប់ជំរឹត ការគំរាម ការបំភ័យ ការធ្វើសញ្ញាក្នុងន័យអូសទាញដើម្បីរួមភេទរវាងដៃគូបើកបរ និងភ្ញៀវ មិនថាព្រមព្រៀង ឬមិនព្រមព្រៀង។ សូមកុំសួរនាំវែងឆ្ងាយចូលដល់រឿងឯកជនផ្ទាល់ខ្លួន ឬក៏មានមតិលើរាងកាយ ឬការស្លៀកពាក់របស់នរណាម្នាក់។ ហាមដាច់ខាតក្នុងការទាក់ទងភ្ញៀវបន្ទាប់ពីបញ្ចប់ការងារដើម្បីរឿងផ្ទាល់ខ្លួន ករណីមានជំលោះ សូមកុំដោះស្រាយដោយខ្លួនឯង សូមទាក់ទងមកកាន់មជ្ឈមណ្ឌល ជំនួយ

ឧទាហរណ៍នៃការរំលោភបំពាន

ការប្រព្រឹត្តដូចខាងក្រោមចំពោះភ្ញៀវ និង បុគ្គលិក Grab:

• ំការមានបំណង ឬប្រព្រឹត្តបទឧក្រិដ្ឋក្នុងទម្រង់ការងារហ្រ្គេប ដែលរួមមាន ទាំងវាយដំរាងកាយ / ការរំលោភផ្លូវភេទ ការចាប់ជំរិត, ឃាតកម្ម, ឬពង្រត់
• ដែលប៉ុនប៉ង ឬក៏ការធ្វើសញ្ញាក្នុងន័យអូសទាញដើម្បី រួមភេទ
• សម្លឹងជាក់លាក់, ឬជាកាយវិការ
• គ្រប់ទម្រង់នៃការយាយីជាពាក្យសម្ដីឬសរសេរ/ ការគំរាមកំហែង / ការបំភិតបំភ័យតាមរយៈការហៅទូរស័ព្ទ ផ្ញើសារតាមApp តាមបណ្តាញសង្គម រួមទាំងមិនមានកំណត់ចំពោះការសួរសំណួរផ្ទាល់ខ្លួនឬការបញ្ចេញមតិលើរូបរាង
• ការប្រើប្រាស់ពាក្យសម្តីជេរប្រមាថឈ្លើយឬពាក្យមិនសមរម្យតាមគ្រប់រូបភាព
• រាល់ការយាយីខាងរាងកាយឬការរំលោភបំពានជាលក្ខណៈបុគ្គល
• ការទាក់ទងភ្ញៀវសម្រាប់ហេតុផលផ្ទាល់ខ្លួន បន្ទាប់ការងារត្រូវបានបញ្ចប់

កុំប្រព្រឹត្តិបទឧក្រិដ្ឋ។

អ្នកអាចត្រូវបានផ្តន្ទាទោសតាមច្បាប់ដែលមានជាទូទៅប្រសិនបើអ្នកប្រព្រឹត្ដបទឧក្រិដ្ឋណាមួយដូចជា ចោរកម្ម ប្លន់ ការកាន់កាប់សំភារៈខុសច្បាប់ ឬអាវុធក្នុងបំណងធ្វើអំពើប្លន់ ឬបំផ្លាញទ្រព្យសម្បត្តិ។ យើងនឹងធ្វើការយ៉ាងជិតស្និទ្ធជាមួយភ្នាក់ងារអនុវត្តច្បាប់ដើម្បីស៊ើបអង្កេតនិងកាត់ទោសជនល្មើស។

ឧទាហរណ៍នៃការរំលោភបំពាន

• បទល្មើសព្រហ្មទណ្ឌក្រោមច្បាប់រដ្ឋ
• ដៃគូអ្នកបើកបរកំពុងស្ថិតក្រោមការស៊ើបអង្កេតចំពោះបទល្មើសព្រហ្មទណ្ឌរបស់អាជ្ញាធរ
• ការបំផ្លាញឬការបំផ្លិចបំផ្លាញដោយចេតនាចំពោះទ្រព្យសម្បត្តិរបស់ភ្ញៀវឬក្រុមហ៊ុនGrab
• ការខកខានមិនបានអនុវត្តតាមបទប្បញ្ញត្តិ / សេចក្តីណែនាំដូចដែលបានទាមទារដោយ Grab ឬរដ្ឋាភិបាល “

អនុវត្តតាមច្បាប់សុវត្ថិភាពចរាចរណ៍។

កុំប្រព្រឹត្តសកម្មភាពល្មើសចរាចរណ៍ឬបើកបរដោយមិនប្រុងប្រយ័ត្នដែលបង្កគ្រោះថ្នាក់ដល់អាយុជីវិតអ្នកដំណើររបស់អ្នក និងអ្នកដំណើរផ្សេងទៀតនៅលើដងផ្លូវ។ នេះរួមបញ្ចូលទាំងការគោរពតាមល្បឿនកំណត់ គោរពតាមផ្លាកសញ្ញាចរាចរណ៍ និងភ្លើងចរាចរណ៍ ការប្រើឧបករណ៍ជំនួយនៅក្នុងពេលបើកបរឬជិះ ត្រូវប្រាកដថាអ្នកដំណើររបស់អ្នកពាក់ខ្សែក្រវ៉ាត់សុវត្ថិភាព។ អ្នកគួរតែពាក់ខ្សែក្រវ៉ាត់ឬមួកសុវត្ថិភាពជានិច្ច។ ជៀសវាងការបើកបរឬជិះច្រើនម៉ោង និងសម្រាកអោយបានយបានគ្រប់គ្រាន់។ ប្រសិនបើអ្នកពាក់ព័ន្ធនឹងគ្រោះថ្នាក់ចរាចរណ៍ជាមួយអ្នកដំណើរនៅក្នុងពេលធ្វើដំណើរ អ្នកត្រូវតម្រូវឱ្យរាយការណ៍ទៅកាន់ប៉ូលីសក្នុងគោលបំណងធ្វើកំណត់ហេតុ។

ឧទាហរណ៍នៃការរំលោភបំពាន

• បង្កឱ្យមានអ្នករងរបួស / ពិការភាពជាអចិន្ត្រៃយ៍ / មរណៈភាពចំពោះអ្នកដំណើររបស់អ្នក ភាគីទីបី ឬ អ្នកដំណើរដោយថ្មើរជើ
• ការបើកបរដោយគ្មានប័ណ្ណបើកបរដែលមានសុពភាព
• បើកបរឬជិះលើសល្បឿនកំណត់នៅលើផ្លូវថ្នល់ឬផ្លូវថ្មើរជើង
• បើកបរឬជិះលើសល្បឿនកំណត់នៅលើផ្លូវថ្នល់ឬផ្លូវថ្មើរជើង
• បើកបរឬជិះដោយការរំខានផ្សេងៗ
• បើកបរឬជិះពេលអស់កម្លាំង
• របាយការណ៍អំពីការបើកបរដោយមិនមានសុវត្ថិភាព / អាកប្បកិរិយាណនៃការជិះ(ម៉ូតូ)
• លាក់ស្លាកលេខរថយន្តដោយចេតនា

ករណីពាក់ព័ន្ធនឹងសារជាតិអាល់កុល គ្រឿងញៀន និងអាវុធ នឹងមិនត្រូវបានលេីកលែងឡេីយ

កុំពិសារគ្រឿងស្រវឹង ឬប្រើគ្រឿងញៀននៅក្នុងពេលលើដំណើរការងារ Grab ។ សារធាតុខុសច្បាប់ជាច្រើននៃគ្រឿងស្រវឹងនិងអាវុធមិនត្រូវបានអនុញ្ញាតអោយមាននៅក្នុងយានយន្តរបស់អ្នកឡើយ។ ប្រសិនបើអ្នកដំណើររបស់អ្នក ឬសមាជិកសាធារណៈផេ្សងទៀតរកឃើញថាអ្នកអាចស្ថិតនៅក្រោមឥទ្ធិពលនៃគ្រឿងញៀនឬគ្រឿងស្រវឹងនោះពួកគេមានសិទ្ធិបញ្ចប់ការកក់ដំណើរភ្លាមៗហើយជូនដំណឹងដល់Grab ឬអាជ្ញាធរ។ សូមកុំទទួលយកការងារណាដែលដឹកជញ្ជូនទំនិញខុសច្បាប់ / ទំនិញបង្កគ្រោះថ្នាក់ដែលរួមមាន សំណូមពរពិសេសពីអតិថិជន សម្រាប់ទំនិញនិង / ឬសេវាកម្មដែលមិនមែនជាផ្នែកនៃសេវាកម្មរបស់ Grab ។ ប្រសិនបើអ្នកមានហេតុផលសង្ស័យពីលក្ខណៈនៃទំនិញ សូមជូនដំណឹងដល់ Grab និងអាជ្ញាធរ។

ឧទាហរណ៍នៃការរំលោភបំពាន

• ការកាន់កាប់អាវុធណាមួយដូចជាកាំភ្លើង ្រស្ពាញ់បាញ់ទឹកម្រេច ដំបង ឬកាំបិត
• ការកាន់កាប់គ្រឿងញៀនឬបទល្មើសទាក់ទងនឹងគ្រឿងញៀនខុសច្បាប់
• កំពុងស្ថិតនៅក្រោមឥទ្ធិពលនៃគ្រឿងញៀនឬគ្រឿងស្រវឹងក្នុងអំឡុងពេលការងារ Grab
• ចេតនាឬប៉ុនប៉ងប្រើប្រាស់ទម្រង់ការងារ Grab សម្រាប់សកម្មភាពព្រហ្មទណ្ឌដូចជាការជួញដូរគ្រឿងញៀន ការលាងលុយកខ្វក់ ការប្រើសេវាកម្មដឹកអ្នកដំណើរសម្រាប់ជួញដូរទំនិញនិងវត្ថុខុសច្បាប់។
• ការទទួលយកការងារដឹកជញ្ជូនទំនិញ(ខុសច្បាប់)ផ្សេងទៀតដោយមិនបានរាយការណ៍ទៅកាន់Grab / អាជ្ញាធរ៖ (ក) ទំនិញខុសច្បាប់ / ទំនិញគួរឱ្យសង្ស័យ (ឧទាហរណ៍: គ្រឿងញៀនខុសច្បាប់) (ខ) ទំនិញបង្កគ្រោះថ្នាក់ (ឧទាហរណ៍: អាវុធ) (គ) របស់ដែលត្រូវបានចាត់ទុកថាហាមឃាត់ក្នុងសេវាកម្មGrabExpress ឬ (ឃ) វត្ថុផ្សេងទៀតដែលហាមឃាត់ដោយច្បាប់

ថែរក្សាយានយន្តរបស់អ្នក។

ថែរក្សាយានយន្តរបស់អ្នកឱ្យស្ថិតក្នុងស្ថានភាពល្អស្របតាមស្តង់ដារសុវត្ថិភាពឧស្សាហកម្មនិងតម្រូវការបទប្បញ្ញត្តិក្នុងតំបន់។ ត្រូវប្រាកដថាអ្នកប្រើតែយានយន្តដែលបានចុះឈ្មោះជាមួយហ្គ្រេបប៉ុណ្ណោះ។

ឧទាហរណ៍នៃការរំលោភបំពាន

• ការរអ៊ូរទាំស្តីអំពីលក្ខណ្ឌនៃឧបករណ៍សុវត្ថិភាពរបស់អ្នក (ខ្សែក្រវ៉ាត់ / មួកសុវត្ថិភាព)
• ខូចខាតផ្នែកខាងក្នុង/ផ្នែកខាងក្រៅនៃរថយន្តដែលប៉ះពាល់ដល់គុណភាព ឬ សុវត្ថិភាព​ (ការបែកកញ្ចក់នៃផ្នែកខាងមុខរថយន្ត ទ្វារឬបង្អួចមិនដំណើរ ការម៉ាស៊ីនត្រជាក់មិនដំណើរការ)
• ប្រើប្រាស់យានយន្ត /មូ៉តូ /ផ្លាកលេខយានយន្ត/គណនីដែលខុសគ្នាពីកម្មវិធីAppនៃដៃគូរបើកបរហ្គ្រេប
• អនុញ្ញាតឱ្យអ្នកផ្សេងទៀតប្រើយានយន្តឬអាជ្ញាប័ណ្ណរបស់អ្នកដើម្បីធ្វើការកក់ Grab ជំនួសអ្នក
• ការមិនប្រើសេវាកម្មដឹកអ្នកដំណើរ / សេវាកម្មដឹកជញ្ជូនអោយត្រូវទៅតាមមុខងារអោយបានត្រឹមត្រូវដូចដែលបានចុះឈ្មោះជាមួយ Grab
• ចែករំលែកនៃការប្រើប្រាស់រថយន្ដក្នុងកំឡុងពេលកក់ការងារដឹកអ្នកដំណើរ / ដឹកជញ្ជូន
• ការរំលោភលើលក្ខណ្ឌដែលទាក់ទងទៅលើការផ្សព្វផ្សាយពាណិជ្ជកម្មនៅខាងក្នុងឬខាងក្រៅនៃយានយន្ត
• ការមិនបានបិទផ្លាកសញ្ញានៅលើយានយន្តដោយផ្អែកតាមគោលការណ៍របស់ Grab ខណៈពេលដែលផ្តល់សេវាកម្មតាមរយៈកម្មវិធីAppរបស់ Grab
• រថយន្តមិនត្រូវតាមលក្ខខណ្ឌដែលកំណត់ដោយច្បាប់ (ឧទាហរណ៍ គ្មានឬខូច

 អនុវត្តអនាម័យអោយត្រឹមត្រូវ

រក្សាអនាម័យផ្ទាល់ខ្លួនឱ្យបានល្អគ្រប់ពេលវេលា។ សូមចូលរួមចំណែករបស់អ្នកដើម្បីធានាបាននូវបរិយាកាសសុវត្ថិភាពសម្រាប់អតិថិជនគ្រួសារអ្នកនិងខ្លួនឯង។ សូមយោងទៅការណែនាំជាផ្លូវការចុងក្រោយបង្អស់សម្រាប់តម្រូវការលើភាពស្អាតផ្ទាល់ខ្លួននិងយានយន្ត

ឧទាហរណ៍នៃការរំលោភបំពាន

• ការមិនបានពាក់ម៉ាស់ឬរបាំងការពារមុខក្នុងដំណើរកក់ការងារ / ដឹកជញ្ជូន
• ​សូមកុ៉បើកបរឬជិះ(ម៉ូតូ)ប្រសិនបើអ្នកមានអារម្មណ៍ថាមិនស្រួលខ្លួន
• បរាជ័យក្នុងការជូនដំណឹងដល់ Grab ប្រសិនបើអ្នកឆ្លងមេរោគកូវីដ -១៩ ឬត្រូវបានប៉ះពាល់ដោយផ្ទាល់ជាមួយនរណាសម្នាក់ដែលបានឆ្លងជំងឺកូវីដ ១៩
• មិនមានខ្យល់ចេញចូលឬសម្លាប់មេរោគយានយន្ត / ថង់ចែកចាយជាប្រចាំ
• មិនលាងដៃឬអនាម័យជាប្រចាំ
• មិនរក្សាគម្លាតសង្គមនៅពេលរង់ចាំការកក់ឬប្រមូលការបញ្ជាទិញពីដៃគូពាណិជ្ជកម្ម

គោរពសិទ្ធិឯកជនរបស់អ្នកប្រើប្រាស់ Grab

អ្នកត្រូវតែថែរក្សាការសម្ងាត់រាល់ទិន្នន័យផ្ទាល់ខ្លួន (ឧទាហរណ៍៖ ឈ្មោះ លេខទូរស័ព្ទនិងអាសយដ្ឋាន) ដែលជាកម្មសិទ្ធិរបស់អ្នក។ ការប្រមូល ការប្រើប្រាស់ ឬការបង្ហាញទិន្នន័យផ្ទាល់ខ្លួននៃអ្នកប្រើប្រាស់របស់យើងដោយគ្មានការអនុញ្ញាតត្រូវបានហាមឃាត់យ៉ាងតឹងរ៉ឹង។ វាជាទំនួលខុសត្រូវរបស់អ្នកក្នុងការអនុលោមតាមច្បាប់ឯកជនភាពនិងបទប្បញ្ញត្តិក្នុងតំបន់ប្រសិនបើអ្នកជ្រើសរើសប្រើម៉ាស៊ីនថតក្នុងយានយន្តផ្ទាល់ខ្លួនរបស់អ្នក

ឧទាហរណ៍នៃការរំលោភបំពាន

• ចែករំលែក ចែកចាយនិង / ឬបង្ហាញជាសាធារណៈនៃព័ត៌មានផ្ទាល់ខ្លួនរបស់អ្នកប្រើប្រាស់ដោយគ្មានការយល់ព្រមពីពួកគេឬក្នុងន័យបង្ខូចកេរ្តិ៍ឈ្មោះ។ 
• ការថតសំឡេងឬវីដេអូខុសច្បាប់របស់អ្នកប្រើប្រាស់ (ឧទាហរណ៍តាមរយៈឧបករណ៍ថតសំងាត់ឬក្លែងបន្លំ និង​ ប្រើប្រាស់វាដោយគ្មានការអនុញ្ញាតឬយល់ព្រម)

កុំរើសអើង

អ្នកមិនត្រូវបដិសេធក្នុងការផ្តល់សេវាកម្មឬ បង្កើតមតិរិះគន់បែបជេរប្រមាថអំពីនរណាម្នាក់ដោយផ្អែកលើពូជសាសន៍ សាសនា សញ្ជាតិ ពិការភាព ទំនោរភេទ ឬអត្តសញ្ញាណភេទ អាយុ ឬលក្ខណៈផ្សេងៗទៀត។

ឧទាហរណ៍នៃការរំលោភបំពាន

• បដិសេធឬ លុបចោលការកក់ដោយផ្អែកលើលក្ខណៈរបស់អ្នកប្រើប្រាស់។
• ការប្រើប្រាស់ការកត់សម្គាល់ណាមួយដោយផ្ទាល់មាត់ឬតាមរយៈសារជាអត្ថបទដែលអាចផ្តល់យោបល់លើពូជសាសន៍ សាសនា សញ្ជាតិ ពិការភាព ទំនោរភេទ ភេទ អាយុឬលក្ខណៈផ្សេងៗទៀត

ផ្តល់តម្លាភាព ជាមួយអតិថិជន GRAB

គោរពការកក់ការងារដែលអ្នកបានទទួលយកហើយមិនបោះបង់ការងារចោលដោយមិនសមហេតុផលឬផ្ទេរការងារនោះទៅអ្នកផ្សេង។ ពិភាក្សានិងយល់ព្រមជាមួយភ្ញៀវមុនពេលប្រើមធ្យោបាយផ្សេងទៀតក្នុងការជំនួយស្វែងរកផ្លូវ។ គោរពយកថ្លៃសេវាទៅតាម លេខកូដបញ្ចុះតម្លៃនិងការបញ្ចុះតម្លៃដែលបានផ្តល់ជូនភ្ញៀវ។ អ្នកមិនត្រូវមានអ្នកផ្សេងទៀត ឬ សត្វចិញ្ចឹមនៅក្នុងយានយន្តរបស់អ្នកនៅពេលអ្នកកំពុងបំពេញការងាររបស់Grab ។ រង់ចាំភ្ញៀវរបស់អ្នកនូវចំនួនពេលវេលាសមរម្យ។

ឧទាហរណ៍នៃការរំលោភបំពាន

• ទទួលយកអ្នកដំណើរជាមួយអ្នក ដំណើរផ្សេងទៀតក្នុងយានជំនិះ (មិនមែនជិះ GrabShare)
• យកតំលៃលេីស – កំណត់តម្លៃខ្លួនឯងដោយមិនបានយោងទៅតាមតំលៃ Grab app
• បញ្ចប់ដំណេីរ ឬក៏ស្នេីរសុំអោយអ្នកដំណេីរចុះចេញពីយានជំនិៈ នៅពាក់កណ្ដាលផ្លូវដោយមិនមានហេតុផលសមរម្យ
• ធ្វេីដំណេីរទៅផ្លូវដែលមិនបានស្នើសុំពីភ្ញៀវ / ចាក់ហ្គាស / សាំង / ចូលបន្ទប់ទឹកដោយមិនបានសុំការ អនុញ្ញាតពីអ្នកដំណេីរ ធ្វេីអោយការធ្វេីដំណេីរត្រូវបានពន្យារពេល
• ធ្វេីដំណេីរ ទៅផ្លូវដែលមិនបានស្នើសុំ /ចាក់ហ្កាស/សាំង/ចូលបន្ទប់ទឹកដោយមិនបានសុំការអនុញ្ញាតពីអ្នកដំណេីរ ធ្វេីអោយខកខានជេីងយន្តហោះ ធ្វេីអោយការធ្វេីដំណេីរពន្យារពេល
• ការខកខានសន្យាចំពោះអ្នកដំណេីរ (ធ្វើឲ្យមានការខូចខាត / អាហារនៅសល់)

មានសុជីវធម៌ល្អជាមួយអ្នកប្រេីប្រាស់Grab

ត្រូវស្លៀកពាក់ឱ្យបានត្រឹមត្រូវនិងសមរម្យគ្រប់ពេលវេលា។ ប្រសិនបើអាច សូមស្លៀកពាក់ឯកសណ្ឋានដែលតំណាងសេវាកម្មដឹកជញ្ជូន Grab ។ ត្រូវចេះគួរសមក្នុងពេលបំពេញការងារ របស់អ្នកជាមួយភ្ញៀវ និងទទួលយកសំណើសមហេតុផលពីភ្ញៀវរបស់អ្នកដូចជាការសម្រួលកំរិតម៉ាស៊ីនត្រជាក់ឬសំលេងវិទ្យុ និងជួយលើកអីវ៉ាន់ភ្ញៀវរបស់អ្នកនៅពេលការស្នើសុំ។ ភ្ញៀវក៏មានសិទ្ធិក្នុងតម្រូវការធ្វើដំណើរដោយគ្មានផ្សែងបារី។

ឧទាហរណ៍នៃការរំលោភបំពាន

• ជក់បារីក្នុងកំឡុងពេលបំពេញការងារ (ឧទារហណ៍ នៅក្នុងឡានឬពេលដឹកជញ្ជូន)
• សម្លៀកបំពាក់មិនសមរម្យ (ឧទារហណ៍ ខោខ្លី / អាវដៃវែង / ស្បែកជើងផ្ទាត់)
• យានកខ្វក់ឬគ្មានអនាម័យ (ខាងក្នុងឬខាងក្រៅ) ដូចជាបារីឬក្លិនមិនស្រួល
• ការមិនគោរពតាមការស្នើសុំរបស់អ្នកដំណើរក្នុងការបន្ថយកម្រិតវិទ្យុរឺក៏រុញបង្អួចឡានចុះក្រោម
• ការផ្លាស់ប្តូរពាក្យសំដីដោយផ្ទាល់មាត់ដែលត្រូវបានគេចាត់ទុកថាមានលក្ខណៈផ្ទាល់ខ្លួនលើសលប់ដែលរួមមានការប៉ុនប៉ងទទួលលេខទូរស័ព្ទអាស័យដ្ឋានផ្ទះសកម្មភាពប្រចាំថ្ងៃនិងទម្លាប់ព័ត៌មានមិនទាក់ទងផ្លូវភេទផ្សេងទៀត

ផ្ដល់បទពិសោធដ៏ល្អឥតខ្ចោះ

សូមទំនាក់ទំនង និង រង់ចាំអ្នកដំណើររបស់អ្នកនៅទីតាំងយកភ្ញៀវអោយបានត្រឹមត្រូវ ហើយអ្នកនិងភ្ញៀវត្រូវស្របយោបល់គ្នានូវចំណុចទីតាំងដែលដាក់ភ្ញៀវចុះដែលបានជ្រើសរើសរូចហើយ។ សូមបញ្ជាក់ពីអត្តសញ្ញាណរបស់អ្នកដំណើរមុនពេលបើកបរ។ យល់ព្រមជាមួយអ្នកដំណើររបស់អ្នកនូវចំនុចខ្សែផ្លូវដែលត្រូវទៅ។ អ្នកអាចបញ្ចប់ការងារបន្ទាប់ពីអ្នកដំណើរបានចុះពីលើកង់បី ឬ រថយន្តរបស់ ឬបន្ទាប់ពីការបញ្ជាទិញត្រូវបានប្រគល់ជូន។ សូមកុំសួរភ្ញៀវឱ្យធ្វើការកក់ក្រៅពីការងាររបស់ហ្គ្រេប ឬណែនាំកម្មវិធីកក់របស់ App ផ្សេងទៀតទៅកាន់ភ្ញៀវ។ សូមកុំធ្វើអោយការដឹកជញ្ជូនអាហារ ឬដឹកជញ្ជូនទំនិញមានបញ្ហា ហើយអ្នកត្រូវប្រាកដថាអាហារ ឬ ទំនិញទាំងនោះត្រូវបានរក្សាទុកក្នុងថង់ឬវិចខ្ចប់បានសមរម្យ។

ឧទាហរណ៍នៃការរំលោភបំពាន

• ការបង្ខំឱ្យអ្នកដំណើរដាក់ទីតាំងត្រូវទៅយក/ ទីតាំងទម្លាក់ចុះ នៅទីតាំងដែលអ្នកដំណើរមិនបានកំណត់
• ការបង្ខំឱ្យភ្ញៀវលុបចោលការកក់ដោយគ្មានហេតុផលត្រឹមត្រូវ
• ការខកខានមិនបានទៅយកអីវា៉ន់ ឬ មិនបានដឹកជញ្ជូនអីវ៉ាន់ទៅដល់ទីតាំងដែលភ្ញៀវបានកំណត់
• ការមានចេតនាទៅយកអ្នកដំណើររបស់អ្នកបើកបរផ្សេងម្នាក់ទៀត
• ការដោយមានចេតនារារាំងអ្នកបើកបរដទៃទៀតក្្នុងការទៅយកអ្នកដំណើរ / ការបំពេញ​ការងារ​ដឹកជញ្ជូន
• ធ្វើការកក់ការងារជាមួយអ្នកប្រើប្រាស់ដោយមិនសិ្ថតនៅក្នុងទម្រង់ការងាររបស់ហ្គ្រេប (មិនបានប្រើប្រាស់App ​របស់ហ្គ្រេប ដើម្បីបំពេញការងារជាមួយអ្នកប្រើប្រាស់)​
• ផ្លាស់ប្តូរខ្សែផ្លូវឬផែនទី ដោយគ្មានការអនុញ្ញាតពីអ្នកដំណើរ
• ផ្សព្វផ្សាយសេវាកម្មផ្សេងទៀតក្នុងកំឡុងពេលបំពេញការងាររបស់ Grab
• ការស្នើសុំ /អ្នកដំណើរ / អតិថិជន / ដៃគូអាជីវកម្ម / អ្នកបើកបរផ្សេងទៀត – ដៃគូដឹកជញ្ជូន។
• សូមកុំធ្វើឱ្យចំណីអាហារឬរបស់របរដែលត្រូវដឹកជញ្ជូនមានការខូចខាត
• ការមិនអាចមានសមត្ថភាពបង្ហាញនូវវិក្កយបត្រ និង ភ័ស្តុតាងត្រឹមត្រូវនៃទីតាំងដែលត្រូវទៅយក ភ័ស្តុតាងនៃរូបថតដឹកជញ្ជូនអីវ៉ាន់

ក្នុងករណី​បន្ទាន់

ត្រូវតែតេទូរស័ព្ទទៅអាជ្ញាធរជាមុន។ បន្ទាប់ពីភាគីទាំងអស់មានសុវត្ថិភាព ហើយបានផ្តល់ដំណឹងជូនអាជ្ញាធរ សូមទាក់ទងមក Grab ដើម្បីរាយការណ៍ពីគ្រោះថ្នាក់នេះ។អ្នកនឹងត្រូវបានពិន័យក្នុងការប្រើទូរស័ព្ទបន្ទាន់របស់ហ្គ្រេបសម្រាប់បញ្ហាណាដែលមិនមែនបន្ទាន់ពិតប្រាកដ

ឧទាហរណ៍នៃការរំលោភបំពាន

• ការខកខានមិនបានជូនដំណឹងដល់ហ្គ្រេបក្នុងរយៈពេល ៤៨ ម៉ោងនៃបញ្ហាគ្រោះថ្នាក់ចរាចរណ៍
• ការមានចេតនាមិនទទួលខុសត្រូវចំពោះភ្ញៀវ រួមទាំងភាគីទីបីដែលរងផលប៉ះពាល់បន្ទាប់ពីគ្រោះថ្នាក់កើតឡើង
• ការមានចេតនាប្រើប្រាស់បណ្តាញទូរស័ព្ទបន្ទាន់របស់ Grab សម្រាប់បញ្ហាដែលមិនមានភាពអាសន្ន “

ធ្វើសកម្មភាពល្អនិងស្មោះត្រង់

កុំក្លែងបន្លំឬបោកប្រាស់ Grab ដោយវិធីសាស្ត្រណាមួយដូចជាការចែករំលែកឬបង្កើតគណនីស្ទួន។ ប្រើតែកម្មវិធីផ្លូវការ Grab ដែលបានទាញយកពី Google Play / Apple Store ។ កុំទុកកម្មវិធីឬឧបករណ៍ដែលមានសក្តានុពលកែប្រែបទពិសោធន៍អ្នកប្រើរបស់ Grab ។ នេះរួមបញ្ចូលទាំងកម្មវិធីបន្លំទីតាំង, rooted / jailbroken / និងឧបករណ៍ដែលបានកំណត់។ កុំបញ្ចប់ការងារដោយមិនទៅយកភ្ញៀវ ឬមិនបានបញ្ជាទិញ។ តែងតែផ្តល់ព័ត៌មានត្រឹមត្រូវជានិច្ចនៅពេលបង្កើត / ចូលគណនីរបស់អ្នក ឬជំទាស់នឹងការគិតថ្លៃឬថ្លៃសេវាលើស។ ប្រើការផ្តល់ជូននិងការផ្សព្វផ្សាយណាដែលត្រូវតាមគោលបំណងរបស់ហ្រ្គេបតែប៉ុណ្ណោះ។ ប្រសិនបើភ្ញៀវបស់អ្នកភ្លេចរបស់ដែលជាកម្មសិទ្ធិរបស់ពួក អ្នកត្រូវតែជូនដំណឹងដល់ Grab និងខិតខំព្យាយាមដើម្បីប្រគល់របស់ទាំងនោះទៅកាន់ភ្ញៀវរបស់អ្នក ឬ មកកាន់Grab ។ កុំបញ្ចូលការគិតថ្លៃបន្ថែមដែលបានកើតឡើងពីសេវាកម្មបន្ថែមដែលមិនមែនជាផ្នែកការងាររបស់ហ្គ្រេប។ ត្រូវប្រាកដថារក្សាតុល្យភាពវិជ្ជមាននៅក្នុងកាបូបលុយ / ឥណទានរបស់អ្នក។

ឧទាហរណ៍នៃការរំលោភបំពាន

• ទម្រង់ណាមួយនៃប្រាក់លើកទឹកចិត្ត ថ្លៃឈ្នួល និងសមាសធាតុរកប្រាក់ចំណូលផ្សេងទៀត។ នេះរួមបញ្ចូលប៉ុន្តែមិនត្រូវបានកំណត់ចំពោះការឃុបឃិតជាមួយអ្នកដំណើរ /ដៃគូវអាជីវកម្ម / អ្នកបើកបរ / មិត្តភក្ដិ / បុគ្គលិក Grab និងការបង្កើតការកក់អោយខុស / គណនីក្លែងក្លាយជាមួយអ្នកបើកបរផ្សេងទៀត
• ប្រើឧបករណ៍ / ទូរស័ព្ទដែលមានកំហុសដោយចេតនាដែលធ្វើឱ្យប្រព័ន្ធ GPS ខ្សោយ។
• ការកាន់កាប់យកទ្រព្យសម្បត្តិអ្នកដំណើរដែលបានភ្លេចនៅក្នុងរថយន្តអស់រយៈពេលជាង ២៤ ម៉ោងបន្ទាប់ពីបានបញ្ជាក់ជាមួយក្រុមហ៊ុន Grab
• ការបញ្ចប់ដំណើរដោយមិនត្រឹមត្រូវ – ការធ្វើដំណើរឬការបញ្ជាទិញដោយមិនចាំបាច់មកដល់កន្លែងទទួលភ្ញៀវរឺកន្លែងដាក់ចុះ

គោរពរាប់អានចំពោះបុគ្គលិកGrab

សូមសហការនិងកុំរំលោភបំពាន កុំគំរាមកំហែង ឬយាយីបុគ្គលិក Grab របស់យើង តាមទូរស័ព្ ទឬតាមប្រព័ន្ធផ្សព្វផ្សាយសង្គម។ សកម្មភាពទាំងនេះរួមមានការថតរូប / វីដេអូថតដោយគ្មានការអនុញ្ញាត និងសួររកព័ត៌មានលំអិតសម្រាប់ទំនាក់ទំនង។

ឧទាហរណ៍នៃការរំលោភបំពាន

• ជេរប្រមាថឬគំរាម Grab ឬបុគ្គលិកនូវគ្រប់រូបភាព
• ការបង្ហាញឬបង្ហោះ ដែលពាក់ព័ន្ធ ជាមួយ Grab ឬបូគ្គលិកនៅលើប្រព័ន្ធផ្សព្វផ្សាយសង្គម “

រក្សាឥរិយាបថសមរម្យនៅពេលបំពេញការងារជាមួយហ្គ្រេប

ការលុបចោលហួសកំរិត អត្រាទទួលយកការងារទាប និងការដាក់ពិន្ទុត្រូវបានផ្សារភ្ជាប់ជាមួយនឹងការក្លែងបន្លំនិងបញ្ហាសុវត្ថិភាព។ សូមរក្សាអត្រាការលុបចោលការងារ អត្រាទទួលយកការងារ និងអត្រាដាក់ពិន្ទុអោយអ្នកបើកបរដោយអនុលោមតាមគោលការណ៍ទូទៅ។

ឧទាហរណ៍នៃការរំលោភបំពាន

• អត្រានៃការដាក់ពិន្ទុផ្កាយធ្លាក់ក្រោម ៤.៥
• អត្រាការលុបចោលខ្ពស់ 20%
• អត្រាទទួលយកការងារទាប ៦៥%

បើកចិត្តឲ្យទូលាយដើម្បីទទួលយកមតិយោបល់ និងការបណ្តុះ បណ្តាល

យើងអោយតម្លៃខ្ពស់ចំពោះមតិរបស់ភ្ញៀវ និង ដៃគូបើកបរ។ យើងបន្តវាយតម្លៃជាប្រចាំនូវការអនុវត្តរបស់ ដៃគូបើកបរនិងផ្តល់ជូនមកវិញនូវមតិឆ្លើយតប។ អ្នកអាចនឹងត្រូវបានតម្រូវឱ្យចូលរួមវគ្គបណ្តុះបណ្តាលដែលរៀបចំឡើងដោយ Grab ដើម្បីកែលម្អកម្រិតសេវាកម្មរបស់អ្នក។

ឧទាហរណ៍នៃការរំលោភបំពាន

• ការខកខានមិនបានចូលរួមវគ្គបណ្តុះបណ្តាលថ្មីដោយសារការរំលោភក្រមសីលធម៌
• ការបរាជ័យក្នុងការបញ្ចប់ការបណ្តុះបណ្តាលចាំបាច់ណាមួយដែលតម្រូវដោយ Grab

ការរាយការណ៍អំពីការព្រួយបារម្ភ៖ បុគ្គលិករបស់ Grab

សូមបញ្ជាក់ថាបណ្តាញនេះគឺសម្រាប់ការរាយការណ៍អំពីការលួចបន្លំ / ការធ្វើខុសរបស់បុគ្គលិក Grab តែប៉ុណ្ណោះ។ ចំពោះការបំពានរបស់ភាគីផ្សេងទៀតដូចជាអ្នកបើកបរ ​Grab អតិថិជន ឬ ដៃគូសហការ របស់ហ្រ្គេប គឺអ្នកអាចរាយការណ៍អំពីពួកគេតាមរយៈកម្មវិធី Grab FairPlay នៅទីនេះ។ ចំពោះបញ្ហាផ្សេងទៀតសូមរាយការណ៍តាមរយៈមជ្ឈមណ្ឌលជំនួយ។ អ្នកអាចប្រើប្រាស់បណ្តាញដែលនៅទីនេះ សម្រាប់ក្នុងការណែនាំអំពីរបៀបនៃការដាក់ស្នើរបាយការណ៍ស្តីពីមជ្ឈមណ្ឌលជំនួយ។ ហើយត្រូវប្រាកដថាខ្លួនអ្នកជ្រើសរើសប្រើបណ្តាញបានត្រឹមត្រូវនៅពេលចង់រាយការណ៍បញ្ហា ដូច្នេះយើងអាចជួយអ្នកបានឆាប់តាមដែលយើងអាចធ្វើបាន។

អំពីការលួចបន្លំ / ការធ្វើខុសណាមួយដែលអ្នកសង្ស័យថាប្រព្រឹត្តដោយបុគ្គលិករបស់ Grab នោះអ្នកអាចរាយការណ៍តាមរយៈមធ្យោបាយដូចខាងក្រោម។ សូមបញ្ជាក់ថាបណ្តាញនេះគឺសម្រាប់ការរាយការណ៍អំពីការលួចបន្លំ / ការធ្វើខុសរបស់បុគ្គលិក Grab តែប៉ុណ្ណោះ។

Email: whistleblowing@grab.com

ឧបករណ៍រាយការណ៍តាមរយៈអនឡាញ : https://grab.ethicspoint.com/

Grab ត្រូវគោរពតាមគោលការណ៍ដែលទាក់ទងទៅនឹងកង្វល់ផ្សេងៗ / ជាបញ្ហាដែលបានលើកឡើងដោយភាពស្មោះត្រង់៖

• ការរក្សាការសម្ងាត់៖ រាល់ការរាយការណ៍ដែលបានធ្វើឡើង និង អត្តសញ្ញាណរបស់អ្នករាយការណ៍ត្រូវបានរក្សាការសម្ងាត់យ៉ាងតឹងរ៉ឹងដល់កំរិតដែលអនុញ្ញាតដោយច្បាប់និងតម្រូវការនៃការស៊ើបអង្កេត។
• ការសងសឹកៈ​ Grab មិនអត់ធ្មត់ទៅនឹងទម្រង់នៃការសងសឹក ឬ ទម្រង់នៃការយាយីប្រឆាំងនឹងអ្នកដែលនិយាយខ្សឹបខ្សៀវឡើយ។